Euskadi.eus berriaren txantiloiek atari-kudeatzailearen betiko eredua jarraitzen dute: eskuz egindako HTML fitxategiak dira, zeinek ezarriko duten orrien egitura eta orri horretan erabiliko diren ikus-eremu motak. Atari-kudeatzailearen txantiloei buruz gehiago jakiteko, ikusi euskadi.eus-eko atari kudeatzailearen eskuliburu aurreratua (zazpigarren orritik aurrera).

Beste eskuliburutan azaldu dugun bezala, Euskadi.eus berriaren helburuetako bat da eskaintzen den informazioaren homogeneitasun grafikoa zein funtzionala, Euskadi.eus markaren eta zerbitzuaren kalitatea indartzeko asmoz. Helburu hori lortzeko asmoz, Web Zerbitzuak murriztu ditu erabil daitezken orri-ereduak eta txantiloiak. Horren ondorioz, Web Zerbitzuak bakarrik ahal izango du txantiloiak (eta txantiloiekin erlazionatutako baliabideak) sortu, aldatu edota atari-kudeatzailean kargatu. Euskadi.eus berriaren orri-sortzaileek, beraz, atari-kudeatzailean aurretik kargatutako txantiloiak bakarrik erabili ahal izango dituzte.

Ezarrita dauden txantiloiek ez badute betetzen zeure beharrak orrialdeak kudeatzeko garaian, jar zaitez harremanetan Web Zerbitzuarekin zeure beharrak aztertzeko eta irtenbiderik egokiena bilatzeko.