Auto-Babeserako Euskal Arauak (277/2010 Dekretua, zenbait jarduera, zentro edo establezimenduren autobabes-betebeharrak arautzen dituena, larrialdiei aurre egiteko) enpresen gutxieneko betebeharrak ezartzen ditu, eta auto-babeserako beste sektore-arau batzuen osagarria da.

Euskal Autonomia Erkidegoan aplikatzekoa da eta auto-babesa definitu eta garatu egiten du, eta betebeharrak zabaldu Estatuko auto-babeserako oinarrizko arauaren barruan ( 393/2007 Errege Dekretua) ez dauden jarduera eta zentroetara, esaterako: jolas-jarduerak egiteko eraikin itxiak, 300 pertsona baino gehiagorentzako lekua dutenak; zainketa medikuak ematen dituzten osasun-establezimenduak, zainketa horiek ospitaleratze-erregimenean edo tratamendu intentsibo edo kirurgikoak badira; merkataritza- edo administrazio- eraikinak, 28 metrotik gorako ebakuazio-altuera dutenak edo barruan 300 pertsona baino gehiago dutenak, eta abar…

Datorren urriaren 11ko jardunaldiaren helburua da enpresetara arauaren ezagutza hurbiltzea eta araua ezartzen laguntzea.

Jardunaldiaren programa honakoa da:

• Jardunaldia irekitzea eta aurkeztea. Manuel Guerrero, Adegiko Laneko Prebentzio eta Osasun Arloko Arduraduna.
• EAEko auto-babeserako beharrak direla eta, 277/2010 Dekretua aurkeztea. Pedro Anitua, Eusko Jaurlaritzako Larrialdiei Aurre Egiteko eta Meteorologiako Zuzendaria.
• Auto-babeserako planak martxan jartzearen inguruko esperientziak. Haritz Ilaramendi, Mutualia Prebentzio Sozietateko Teknikaria.
• 277/2010 Dekretuaren oinarrizko alderdi praktikoak: prestakuntzaren eta simulakroen garrantzia. Ana Irastorza, Sueskola Fundazioako Senior Prestatzailea.
• Larrialdietako planen ezarpenari buruzko esperientzia errealak. Adolfo Aranguren, KSB Itur Spain-ko Laneko Segurtasun eta Osasun Aroloko kidea eta Enpresa-medikua.

Informazio gehiagorako: Adegi eta Mutualia