2024ko uztailaren 1etik aurrera, Euskal Autonomia Erkidegoari irakaskuntzaren arloan eskualdatutako eginkizunak eta zerbitzuak bereganatzearen ondorioz, Eusko Jaurlaritzak bere gain hartuko du atzerriko goi-mailako hezkuntza-sistemen esparruan lortutako tituluak homologatzeko eta baliokidetzat jotzeko eskumena, Euskal Autonomia Erkidegoko udalerri batean erroldatuta dauden herritar guztientzat.

Hauek dira Euskal Autonomia Erkidegoari eskualdatutako eginkizunak:

a. Atzerriko goi-mailako hezkuntza-sistemen esparruan lortutako tituluak Espainiako unibertsitate-titulu ofizialekin homologatzea. Homologazio honek zera esan nahi du, atzerriko titulu bat lortzeko eskuratutako prestakuntzaren aitorpen ofiziala, lanbide arautu batean jarduteko gaitzen duen Espainiako titulu bat lortzeko eskatzen denaren parekoa.

b. Atzerriko goi-mailako hezkuntza-sistemen esparruan lortutako tituluak Espainiako unibertsitate-titulu ofizial batekin baliokidetzea. Baliokidetasun honek zera esan nahi du, atzerriko titulu bat lortzeko gainditutako prestakuntzaren aitorpen ofiziala, gradu, unibertsitate-master edo doktoregoko maila akademiko bat lortzeko eskatzen denaren parekoa, homologazio bidez lor daitezkeen tituluen aldean ondorio profesionalak alde batera utzita.

• Prozedura erabat elektronikoa da.
  • Nabigatzaile hauekin bakarrik sar daiteke: Firefox, Google Chrome eta Microsoft Edge.
  • Mugikorrarekin ez sartzea gomendatzen da.
• Eskabideak aurkezteko epea 2024ko uztailaren 2an hasiko da, eta ez du amaiera-egunik izango.
• Eskabideak:
  • Homologazioa
  • Baliokidetza

• Homologazioa lortzeko eskabidearekin batera, agiri hauek aurkeztu behar dira:
  • Homologatzea eskatzen den titulua edo titulua eman dela egiaztatzen duen ziurtagiria, behar bezala legeztatuta .
  • Homologatu nahi den tituluaren edo titulua eman izanaren egiaztagiriaren gaztelaniarako edo/eta euskararako itzulpen ofiziala (salbu eta titulua gaztelaniaz eman bada).
  • Eskatzaileak titulua lortzeko egindako ikasketen ziurtagiri akademikoa, behar bezala legeztatua .
  • Eskatzaileak titulua lortzeko egindako ikasketen ziurtagiri akademikoaren gaztelaniarako edo/eta euskararako itzulpen ofiziala (salbu eta titulua gaztelaniaz eman bada).
  • Beste agiri batzuk. Atal honetan sartuko dira interesdunak ebazpena emateko beharrezkotzat jotzen dituen dokumentuak.
  • Tasa ez bada ordaindu ordainketa-pasabidearen bidez, horretarako sortutako ordainketa-gutunaren bidez baizik, horren egiaztagiria erantsiko da hemen.
  • Dagokion lanbide arautuan Espainian jarduteko beharrezkoa den hizkuntza-gaitasuna egiaztatzea, salbu eta gaztelania hizkuntza ofiziala bada eskatzailearen jatorrizko herrialdean.
• Baliokidetasun-adierazpena lortzeko eskabidearekin batera, agiri hauek aurkeztu behar dira:
  • Baliokidetasun-adierazpena eskatzen den titulua edo titulua eman dela egiaztatzen duen ziurtagiria, behar bezala legeztatuta .
  • Baliokidetasun-adierazpen nahi den tituluaren edo titulua eman izanaren egiaztagiriaren gaztelaniarako edo/eta euskararako itzulpen ofiziala (salbu eta titulua gaztelaniaz eman bada).
  • Eskatzaileak titulua lortzeko egindako ikasketen ziurtagiri akademikoa, behar bezala legeztatua .
  • Eskatzaileak titulua lortzeko egindako ikasketen ziurtagiri akademikoaren gaztelaniarako edo/eta euskararako itzulpen ofiziala (salbu eta titulua gaztelaniaz eman bada).
  • Beste agiri batzuk. Atal honetan sartuko dira interesdunak ebazpena emateko beharrezkotzat jotzen dituen dokumentuak.
  • Tasa ez bada ordaindu ordainketa-pasabidearen bidez, horretarako sortutako ordainketa-gutunaren bidez baizik, horren egiaztagiria erantsiko da hemen.

• 44/2024 Dekretua, apirilaren 16koa , Estatuaren eta Euskal Autonomia Erkidegoaren arteko Transferentzien Batzorde Mistoaren 2024ko martxoaren 11ko erabakia onartzen duena. Erabaki horren bidez, 1980ko irailaren 26ko 2808/1980 Errege Dekretuak irakaskuntzaren arloan Euskal Autonomia Erkidegoari eskualdatutako eginkizun eta zerbitzuak gehitzen dira (atzerriko goi-mailako hezkuntza-sistemen esparruan lortutako tituluak homologatzea eta baliokidetza aitortzea). (EHAA, 2024-04-19)

• 889/2022 Errege Dekretua, urriaren 18koa , atzerriko hezkuntza-sistemetako unibertsitate-irakaskuntzak homologatzeko, baliokidetzat jotzeko eta baliozkotzeko baldintzak eta prozedurak ezartzen dituena eta aurreko antolamendu akademikoetako unibertsitate-titulu ofizialek Goi Mailako Hezkuntzako Kualifikazioen Espainiako Esparruan duten baliokidetasuna ezartzeko prozedura arautzen duena. (EAO, 2022-10-19)

• Galdera orokorrak

• Helbide honetan: uni.homologazioak@euskadi.eus
• ZUZENEAN telefonoa: 945 01 80 00 / 012