Berme-markak: Euskal Babarrunak
- Ezaugarriak
- Ekoizpen eremua
- Kontrol eta Ziurtapenerako Erakundea
- Araudia
- Enpresa Ekoizleen eta Ontziratzaileen Zerrenda
Eusko Label bereizgarria duten babarrunek, kalitateari eta freskotasunari dagokienez, honako ezaugarri hauek bete beharko dituzte:
- osoak eta haragitsuak izatea
- osasuntsuak, eta bereziki lizun, intsektu eta parasitu gabeak
- itxura freskoa eta barietate-mota bakoitzari dagokiona
- kanpoaldean hezetasun ezohikorik gabe, eta usain edota zapore arrarorik gabe
- garbiak, kalterik eta materia arrotzik gabe
Ezaugarri morfologikoak, fisiko-kimikoak eta organoleptikoak, ekoizpen-esparrua, laborantza-sistema, eta abarren arabera hiru babarrun-mota bereizi nahi dira; horiek dira merkatuan gehien preziatzen diren motak, Eusko Label bereizgarria duen "Euskal Babarrunak-Alubias del País Vasco" markan hiru izendapen bereiziko dira:
1. Tolosako Babarruna - Alubia de Tolosa
Honako ezaugarri hauek izan behar ditu babarrunak:
-
Barietate "Tolosarra" (Aiena) Mintegiko Hazi eta Landareen Institutu Nazionalean erregistratuta dagoena.
-
Tamaina zehaztugabea (mulu altua).
-
Artoarekin erlazionatutako ekoizpen-sistema, eta estalperik gabe landuko dira, ereiten denetik hasita; 120-170 egun irauten ditu lan honek.
-
Aleak forma oboidea izan behar du eta kolorea ubel ilunetik beltzera bitartekoa izan daiteke.
-
Aleen tamainaren eta pisuaren arabera, Tolosako Babarrunak izen desberdinak jasotzen ditu, hala nola:
-
"Txiki" Tolosako Babarruna: luzeran 0,5 cm eta 1 cm, eta 100 alek 35-45 inguruko pisua dute.
-
"Haundi" Tolosako Babarruna: luzeran 1 cm eta 1,5 cm, eta 100 alek 50-65 inguruko pisua dute.
2. Gernikako Indaba - Alubia de Gernika
Honako ezaugarri hauek izan behar ditu babarrunak:
-
Barietate "Gernikarra", Mintegiko Hazi eta Landareen Institutu Nazionalean oraindik erregistratu gabe dagoena.
-
Tamaina zehaztugabea (mulu altua).
-
Artoarekin erlazionatutako ekoizpen-sistema, eta estalperik gabe landuko dira, ereiten denetik hasita; 120-170 egun irauten ditu labore honek.
-
Aleak forma oboide luzeska izan behar du, eta kolorea granatetik krema kolore bitartekoa izango da.
-
Tamaina, luzeran 1-1,5 cm.
-
100 aleren pisua, 40-60 gramo bitartekoa izango da.
3. Arabako Babarrun Pintoa - Alubia Pinta Alavesa
Honako ezaugarri hauek izan behar ditu babarrunak:
-
Barietate "Arabarra" (Laura) Mintegiko Hazi eta Landareen Institutu Nazionalean erregistratuta dagoena.
-
Tamaina zehaztugabea (mulu baxua).
-
Estalperik gabe landuko dira, ereiten denetik hasita; 120-140 egun bitartean.
-
Aleak forma oboidea izan behar du eta kolorea granatetik krema kolore bitartekoa izango da.
-
Aleen tamaina luzeran 0,5-1,5 cm izango dira.
-
100 aleren pisua 35-45 gr. bitartekoa izango da.
Babarrunak definitutako izendapenetan bildu ahal izateko honako esparru gegrafiko hauetan ekoiztu behar dira:
-
Tolosako Babarruna eta Gernikako Indaba EAEko zona atlantiarrean ekoiztuko dira, lurrinketa-transpirazio errealaren bitartez (Thornthwaite), 585 mm edo gehiago dituena; neguan, gutxieneko tenperaturak (ez baxuegiak) eta udan gehienezko tenperaturak (ez altuegiak), bi babarrun-mota hauei dagokienez kalitatezko babarruna lortzeko dagokion klima leun egokiaren araberakoak izango dira.
-
Arabako Babarrun Pintoa Autonomia Erkidegoko zona kontinentalean ekoiztu behar da, lurrinketa-transpirazioaren bitartez, 585 mm baino gutxiagokoa.
Kontrol eta Ziurtapenerako Erakundea
HAZI Fundazioak ezartzen ditu produktuak jarraitu behar duen prozesuan zehar, alegia, ekoizpenean, biltegiratzean, garraioan, ontziratzean eta merkaturatzean, beharrezkoak diren kontrol-sistemak, hartara ziurtatu egingo da, Kalitatearen Labelaren sinboloekin identifikatutako produktuak honako Arautegi honetan ezarritako baldintza guztiak eta ezarri ahal izango zaizkion gainerako arautegietako baldintza guztiak bete egiten dituela.
HAZI Fundazioa
Helbidea: Muntsaratz Auzoa, 17-A (Muntsaratz Dorrea)
48220 Abadiño. Bizkaia
Tfnoa: 946 030 330
Faxa: 946 033 953
Web orria: www.euskolabel.hazi.eus
Eusko Label bereizgarria duen “Euskal babarrunak-Alubia del País Vasco” markaren araudia.
Azken aldaketako data:
