Emakumeen eta gizonen berdintasunerako VII. Planaren bidez euskal herri-aginteei lagundu nahi zaie legegintzaldi honetan emakumeen eta gizonen berdintasunaren arloan egingo dituzten jarduerak zehazten. Alde horretatik, Osasun Sailari dagokio esku hartzeko estrategiak definitzea, berdintasun-politikak bere eskumenen esparruan gauzatzeko, dela zuzendaritzetan, dela hari atxikitako erakundeetan.

Honako hauek dira emakumeen eta gizonen arteko berdintasunerako Planaren edukiak:

Sarrera egin ostean, Gobernu Programaren barruko konpromisoen laburpena egiten da, eta legegintzaldiko plangintza honetan emakumeen eta gizonen berdintasunarekin lotutako zer konpromiso lagunduko diren zehaztu da.

Segidan, VII. Planaren arabera, Osasun Sailaren eskumenekoak diren programak eta helburuak azaldu dira.

Gero, Saileko egoeraren diagnostikoa egin ondoren, Sailaren plangintza estrategikoa zehaztu da, XI. legegintzaldirako helburu estrategikoak zerrendatuz.

Eta azkenik, Planaren kudeaketa-sistema deskribatu da; izan ere, legegintzaldiko lehentasunetatik, berdintasunerako egituretatik eta jarraipen-, komunikazio- eta aurrekontu-sistemetatik eratorritako berdintasunerako urteko plangintza azaldu da.

XI. Legegintzaldia

Osasun Sailaren emakumeen eta gizonen berdintasunerako Planean (2018 – 2021), Sailak XI. legegintzaldian berdintasunaren arloan egingo dituen jarduerak arautzeko helburu estrategikoak zerrendatu dira. Urtero plan bat egiten da, eta bertan, helburu horiek jarduera zehatzetan banakatzen dira. Urteko plan bakoitzean jasota geratzen dira jarduketa bakoitzaren zuzendaritza edo erakunde arduraduna eta esleitutako edo kalkulatutako aurrekontua, plangintzaren unean jakinez gero.

Osasun Sailaren Emakumeen eta Gizonen Berdintasunerako Plana (2018 - 2021) XI. legegintzaldi osoan egongo da indarrean, baina, halaber, Emakundek EAEko Berdintasunerako VIII. Plana egin arte luzatu ahal izango da. VIII. Plan horren aginduari jarraituz, Osasun Sailak XII. legegintzaldirako Berdintasunerako Plana egin beharko du.