Albaitari-zentroak farmazia-bulegoetako ospitale-erabilerako sendagaiez hornitzea
Deskribapena
Albaitaritzako sendagaiei buruzko urtarrilaren 27ko 109/1995 Errege Dekretuaren 93. artikuluak ezartzen duenaren arabera (irailaren 10eko 1132/2010 Errege Dekretuak aldatua), uztailaren 26ko 29/2006 Legearen 2.5 artikuluan xedatutakoarekin bat etorriz, albaitaritzako profesionalei zuzenean saldu edo hornitu ahal izango zaizkie beren jarduera profesionalerako beharrezkoak dituzten sendagaiak, sendagai-gasak barne, betiere artikulu honetako 94. artikuluan ezarritakoari jarraikiz eta albaitariak izan beharreko independentziari kalterik egin gabe, uztailaren 26ko 29/2006 Legearen 3. artikuluaren arabera.
Farmazia-bulegoen eta baimendutako txikizkako merkataritza-establezimenduen ardura da profesional horiei albaitaritzako sendagaiak saltzea edo hornidura ematea.
Horretarako, albaitariek behar dituzten sendagaiak eskatuko dituzte aurrena, eskaera-orria erabilita, edozein bitarteko edo sistema telematikoren bidez; hala bada, entrega-albaranaren ordez, eskaera-agiria erabiliko da. Agiri horretan honako datu hauek jaso beharko dira: albaitariaren identifikazio pertsonala eta elkargokide-identifikazioa, sendagaien izena eta kopuruak, hornitzailearen identifikazioa, data eta sinadura.
Dokumentazio guztia albaitariaren elkargo-eremuko agintaritza eskudunaren eskura egongo da bost urtez.
Jada aipatu den 109/1995 Errege Dekretuaren 81. artikuluan xedatuta dagoenari dagokionez, eta Euskal Autonomia Erkidegoan egokiro aplikatzeko, gida bat egin da, eta bertan ezartzen da albaitaritza-zentroen eta farmazia-bulegoen artean akordio bat hitzartu behar dela ospitale-erabilerako sendagaien hornidura hasteko. Akordio hori bi alderdiek sinatu beharko dute eta Eusko Jaurlaritzako Osasun Sailari komunikatuko zaio, modu elektronikoan, orrialde honetako izapidetze atalean zehaztutako prozeduraren bidez.
Komunikazioa izapidetzen hasi aurretik, komeni da honako dokumentu hauek ordenagailuan deskargatzea: gorago aipatutako gida eta I. eranskina —han baitago jasota «akordio-eredua»—. Akordio-eredu hori bete, inprimatu, sinatu eta eskaneatu egin behar da, eskaerari atxiki ahal izateko.
Albaitaritzako profesionalak ospitaleko sendagaiez hornitzea
Albaitariei ospitaleko sendagaiak saldu edo hornitzeko, prozedura honetan jasotako jarraibideak bete beharko dira.
Nori dago zuzenduta
Erakunde onuradunak jarduera klinikoa egiten duten profesional beteranoak eta farmazia-bulegoak izango lirateke.
Aplikatu beharreko araudia
Kontaktu-informazioa
Harremanetarako datuak
Antolamendu farmazeutikoko teknikariak
Farmazia Zuzendaritza – Osasun Saila
- Donostia kalea 1. 01001-Vitoria-Gasteiz
- Telefonoa: 945019269
- Helbide elektronikoa: ordfarma-san@euskadi.eus
Kodea(k)
- Albaitaritzako profesionalak ospitaleko sendagaiez hornitzea: 1054902
Albaitaritzako profesionalak ospitaleko sendagaiez hornitzea
BALDINTZA TEKNIKOAK
Eskaera telematikoki egin ahal izateko baldintza teknikoak:
IDAZKI DESKTOP softwarea instalatuta eduki behar duzu Izenperen gainerako softwarearekin batera (http://www.izenpe.eus/informacion/puesta-en-marcha-de-los-certificados-izenpe/s15-content/es /).
Zure nabigatzailean agertzen diren leihoen blokeoa desgaituta eduki behar duzu www.euskadi.eus helbidean (ez badakizu nola kontsulta ditzakezun jarraibide hauek).
Ziurtatu identifikazio elektronikorako onartutako eta indarrean dagoen bitarteko bat duzula.
JARRAIBIDEAK
- a) Gogoratu komunikazioa hasi aurretik eredu gisa emandako akordioa (PDF, 99 KB) beteta, sinatuta, eskaneatuta eta ordenagailuan gordeta eduki behar duzula.
- b) Sartu izapidetze elektronikoko aplikazioan, "Eskaera" botoiaren bidez.
- c) Behin barruan, lau urrats erakutsiko dira:
- 1. Identifikatu
- 2. Datuak betetzea
- 3. Hornidura-akordioa eranstea, albaitari-zentroak eta farmazia-bulegoak beteta eta sinatuta.
- 4. Sinatu eta bidali.
d) Bidalketa egin ondoren, pantaila bat agertuko da hartu-agiriarekin, eta hura deskargatu ahal izango da.
Beste tramite batzuk
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Beharrezkoak iruditzen zaizkizun dokumentuak aurkeztu ditzakezu, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak deialdiko arauan ezarritako betekizunak betetzen ez baditu, organo eskudunak atzera egin duzula ulertuko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
Informazio gehigarria: Administrazio Publikoen Administrazio Prozedura Erkidearen urriaren 1eko 39/2015 Legearen 68. artikulua
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa bada, organo eskudunak 10 eguneko epea emango dizu dokumentazio berria aurkezteko. Ezer aurkezten ez baduzu, Administrazioak komunikazio edo eskaeraren tramitazioarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta zuzentzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
- Ziurtatu identifikazio elektronikorako bitarteko bat duzula.
- Prestatu dokumentazioa formatu digitalean.
- Sartu Nire karpeta aplikaziora.
Eskaerak edo komunikazioak informazioa gehitzea beharrezkoa badu, organo eskudunak 15 eguneko epea emango dizu informazioa gehitzeko. Gehitzen ez baduzu, Administrazioak komunikazio edo eskaerarekin aurrera jarraituko du.
Agiri hauek aurkez ditzakezu:
- Administrazioak eskatu dizkizun agiriak, baldin eta dokumentazio gehitzeko errekerimendua jakinarazi badizu.
- Beharrezkotzat jotzen dituzun agiriak, nahiz eta Administrazioak ez eskatu.
