Eskuliburu honen helburua zera da: Euskal Elkarte Autonomoaren eremu osorako homologagarria izango den turismo-seinaleztapen sistema bat ezarriko duen erreferentzia-markoa zehaztea.

Oso azkar hazten ari den sektorea da turistikoa eta iraunkorki seinaleztapen beharrei irtenbide eraginkorrak ematearen beharra azaltzen ari dena. Egungo araudi gabeziari erantzun nahi die gomendio hauek sustatzearen ideiak.

Zuzen erabiliz gero, egun dauden hainbat gabezia zuzentzen lagunduko du eskuliburu honek. Gabezia hauek hiru puntutan laburbildu daitezke:

• Aukera-galera

  Egungo seinaleztapen urriak gutxitu egiten du Euskal Herriak dituen turismo baliabide anitzen potentziala.

• Informazioan akatsak

  Seinale zahar eta hondatuak kode egoki bati erantzuten ez dioten irudi, sinbolo eta koloreen espektro zabal batekin nahasten dira, horren eraginez, informazioa gaizki jasotzen da.

• Berdintasun eza

  Seinaletikaren bitartez ikusmen-identitate bat sortzeak, beste zenbait aldeko balorerekin batera, lurralde-kohesio handiagoa ematen du.

Hori dela eta, Sail honek Udal, Lurralde eta Europa mailako erakunde guztien esku jartzen du agiri hau. Espero dugu irizpideak bateratzeko, kodeak errazteko eta, azken finean, gure Herriaren irudia hobetzeko baliagarri izatea.

Seinale dinamikoak

• Ikus-kodeak
• Tipografia
• Elebitasunaren aplikazioak 
• Hiri barneko ezarpenak
• Errepide-zirkulaziorako norabide seinaleak
• Errepideko eta oinezkoen zirkulaziorako norabide-seinaleak
• Hiri barneko promozio seinaleak
• Seinaleztapen dinamikoa
• Errepideko aplikazioak
• Promozio seinaleak

Seinale estatikoak

• Informazio turistikorako puntuak 
• Zutikako seinaleak
• Ondare historiko-artistikoaren seinaleztapena
• Seinaleztapen estatikoa