Lluis Bonet

Kultura Gestioari buruzko graduatu-ondoko ikastaroetako zuzendaria eta ekonomia aplikatuko irakasle titularra, Bartzelonako Unibertsitatean. Liburu eta artikulu ugari idatzi ditu, kulturaren eta kultura-politikaren azterketa ekonomikoa eginez. Massachusetts Institute of Technologyko ikerlari gonbidatua izan da, eta hogeita hamar herrialdetan baino gehiagotan eman ditu hitzaldiak. European Association of Cultural Researchers (ECURES) delakoaren lehendakariordea da, eta kultur gestioan prestatzeko ikastetxeen Europako sarearen (ENCATC) lehendakaria izandakoa. Bestalde, Assotiation of Cultural Economics International (ACEI) erakundeko eta Abacus Hezkuntza eta Kultura Kooperatibako kontseilaria ere bada. La industria audiovisual ante la digitalización (CAC, 2002) ikerketa-saria irabazi zuen, eta kulturaren alorra aztertzen duten liburu eta artikulu ugari idatzi ditu.