Soldata-arrakalari buruzko nazioarteko III. Kongresua

Xuria Arza

Zuzenbidean lizentziatu zen Euskal Herriko Unibertsitatean (UPV-EHU) eta Lanbide Orientazioko graduondokoa egin zuen Zaragozako Unibertsitatean. Horrez gain, prestakuntza du Lan-orientabidean eta lan-munduan txertatzen, Lan Aholkularitzan, Enpresa Kudeaketan eta Berdintasunean, Berdintasunerako eragile sindikal gisa. 2002. urtetik UGT-Euskadin egiten du lan, hasiera batean, Lan-orientabideko teknikari gisa, eta 2003tik 2021era bitartean Emakumea, Gazteria eta Migrazio Sailetako arduraduna izan zen, berdintasunari eta kontziliazioari buruzko aholkularitza- eta prestakuntza-zerbitzuak kudeatu zituen eta berdintasun-politikak ere landu zituen Negoziazio Kolektiboan.

2021eko martxoaz geroztik, Arza Vélez Berdintasuneko, Gizarte Politiketako eta Aniztasuneko idazkaria da UGT-Euskadiko Batzorde Betearazlean. Bere zereginen barruan dago erakundeak honako hauetan parte hartzea: Euskadiko Ekonomia eta Gizarte Arazoetarako Batzordean, Berdintasunari eta Gizarte Politikei buruzko Lantaldeetan, EAEko Elkarrizketa Sozialerako Mahaian, Migrazio eta Asilo Euskal Foroan eta Inklusio eta Gizarte Zerbitzuetako Kontseiluetan. Bere ibilbidean zehar, prestakuntza, aholkularitza eta estrategiak sortzeko lan izugarria egin du lanaren eta gizartearen arloan genero-berdintasuna sustatzeko.