Lanbide-Euskal Enplegu Zerbitzuari buruzko 13ko 3/2011 Legearen bidez, izaera administratiboko erakunde autonomo gisa, Lanbide-Euskal Enplegu Zerbitzua sortu zen; eta bere 7.1 artikuluak xedatzen duenez, Administrazio Kontseilua aipatu erakundearen gobernu-organo gorena da.

Maiatzaren 22ko 82/2012 Dekretuaz Lanbide-Euskal Enplegu Zerbitzua estatutuak onartu ziren, eta bere 6.2 artikuluan zehazten denez, Administrazio Kontseilua honako hauek osatuko dute:

1. Lehendakaria, enpleguaren arloan eskumena duen saileko titularra.

1. Lehendakariordea, enpleguaren arloan eskumena duen sailburuordetzako titularra.

2. Lanbide-Euskal Enplegu Zerbitzuko zuzendari nagusia.

3. Eusko Jaurlaritzak izendatu, eta, hala badagokio, kargutik kenduko dituen bi bokal, enpleguaren arloan eskumena duen sailak proposatuta.

4. Euskal Autonomia Erkidegoan ordezkaritza handiena duten sindikatuen ordezkaritzan bost bokal; zeintzuk aipatu sindikatuek aukeratuko dituzten eta Jaurlaritzak izendatu dekretu bidez.

5. Euskal Autonomia Erkidegoan ordezkaritza handiena duten enpresa-antolakunde itersektorialen ordezkaritzan bost bokal; zeintzuk aipatu antolakundeek aukeratuko dituzten eta Jaurlaritzak izendatuko dekretu bidez.

   Azaroaren 29ko 253/2011 Dekretuaren bidez (2011-12-12ko EHAA, 233. zk.), Lanbide-Euskal Enplegu Zerbitzua erakunde autonomoaren Administrazio Kontseiluko kideak izendatu ziren, betiere hura arautzen duen legean agindutakoarekin bat etorriaz.

   2013ko uztailaren 29an, Unión General de Trabajadores de Euskadi sindikatuak bidalitako komunikazioa jaso zen, non Batzorde Eragilearen honako erabakiaren berri ematen baitzen: Lanbide-Euskal Enplegu Zerbitzua erakundeko autonomoaren Administrazio Kontseiluan aipatu sindikatua ordezkatzen duten pertsonetariko bat aldatzea; beraz, beharrezkoa da egoki diren kargutik kentzea eta izendapena egitea.

   Horrenbestez, Enplegu eta Gizarte Politiketako sailburuak proposatuta, Jaurlaritzaren Kontseiluak 2013ko urriaren 22an egindako bileran aztertu eta onartu ondoren, honako hau,