Ingurumena

Agindu honen xedea da Babes publikoko etxebizitzen araubide juridikoari eta etxebizitzaren eta lurzoruaren inguruko finantza-neurriei buruzko martxoaren 4ko 39/2008 Dekretuaren 41.1.e) artikulua partzialki garatzea lurzoru-urbanizazioari aplikatzeko finantza-neurriei dagokienez, berehala eraikitzeko, hala dagokionean lurzoruaren aurretiazko kostu bidezko eskuratzea barne, babes publikoko etxebizitzak lehentasunez sustatzeko.

1. Agindu honen ondorioetarako, babes publikoko etxebizitzak lehentasunez sustatzeko eta beti ere berehala eraikitzera bideratutako lurzoruaren arloko jardun babesgarritzat hartuko dira:

   1. Lurzoru urbanizatua kostu bidez eskuratzea.

   2. Lurzorua urbanizatzea.

   3. Lurzorua kostu bidez eskuratzea eta berehala urbanizatzea.

2. Edozein kasutan, lurzorua eskuratzeko eragiketaren eta urbanizazio-kostuen baturak ezin du gainditu babes publikoko etxebizitzen alorrean indarrean dagoen araudian ezarritako gehienezko guztizko prezioa.

3. Finantzaketa kualifikatu arautuaren xede den lurzorua lehentasunez babes publikoko etxebizitzak sustatzeko erabiliko da.

1. Aurreko artikuluan zerrendatutako jardun finantzagarrien onuradun izan daitezke pertsona fisiko eta juridikoak, publiko eta pribatuak, jardun finantzagarriaren sustatzaile diren aldetik.

2. Finantzaketa kualifikatuaren aurretiazko baimena emateko baldintza izango da Euskal Autonomia Erkidegoko Administrazio Orokorrak eta haren erakunde autonomoek emandako izaera bereko laguntzen edo diru-laguntzen esparruan hasi eta oraindik bideratzeko dagoen edozein itzultze- edo zehapen-prozedura amaitzea.

1. Jardunaren xede den lurzoruaren erabilera nagusia babes publikoko etxebizitzak sustatzea izango da.

2. Dena dela, plangintza gauzatzeko esparruaren hirigintza-eraikigarritasun osora zabaldu ahal izango da babesa, baina muga batekin, hau da, babes publikoko etxebizitzara destinatu gabeko bizilekutarako hirigintza-eraikigarritasun osagarriak guztizko bizilekutarako hirigintza-eraikigarritasunaren % 50 ez gainditzea, finantzaketa kualifikatuaren irismena Agindu honen 2.2 artikuluan ezarritako moduan mugatuz.

3. Indarrean dagoen plangintzaren aldaketa baten ondorio denean salbu, kasu horretan finantzaketa kualifikatua ematea berriro eskatu beharko baita egoera fisiko berrira egokitzeko, babesteko lortu den lurzoruaren guztizko azalera ezingo da handitu.

4. Lurzoru horretan eraiki beharreko babes publikoko etxebizitzei dagokien behin-behineko kalifikazioa eskatu ondoren aurkeztutako lurzoruaren alorreko jardunetarako eskaerak ez dira kontuan izango.

Aurreko artikuluek adierazten dituzten jardun babesgarriek babes publikoko etxebizitzen araubide juridikoari eta etxebizitzaren eta lurzoruaren inguruko finantza-neurriei buruzko martxoaren 4ko 39/2008 Dekretuaren 42.1.a) artikuluan aurreikusitako finantzaketa kualifikatua lortu ahal izango dute, hau da, mailegu kualifikatuak eta obra-ziurtagirien banku-deskontuak.

1. Mailegu kualifikatu bakoitzaren aurretiazko baimen indibidualizatuaren ebazpena eman ondoren, sustatzailea kreditu-erakundera joan ahal izango da mailegua formalizatzera.

2. Lurzoruaren alorreko jardun babesgarrien sustatzaileek mailegu kualifikatuak eskatu ahal izango dituzte Euskal Autonomia Erkidegoko administrazioarekin finantza-lankidetzarako hitzarmenak sinatu dituzten kreditu-erakundeetan. Mailegu horiek honako ezaugarri hauek izango dituzte:

   1. Mailegu kualifikatuaren gehienezko zenbatekoak ezin izango du gainditu babes daitezkeen jardunen aurrekontuaren guztizko kostua, proiektuaren bideragarritasun tekniko eta finantzarioari buruzko txostenean jasotakoa, Agindu honetako 2.2 artikuluak ezarritako muga kontuan hartuta.

   2. Amortizaziorako aldien eta, hala badagokio, gehienez ere sei urtekoa izango den gabealdiaren arteko batura, gehienez ere hamabi urtekoa izango da.

      Hipoteka-mailegua aurretiaz amaituko da, baldin eta epe horiek bukatu aurretik mailegu-hartzaileak kostu bidez eskualdatzen badu finantzatuko den lurzorua.

      Hala eta guztiz ere, ez da aurretiaz amaituko baldin eta, Eusko Jaurlaritzan etxebizitzaren alorrean eskumena duen Sailak aurrez eskualdatzeko baimena eman ondoren, lurzoru hori eskuratzen duen erakundeak mailegua subrogatzen badu, horretarako sinatutako lankidetza-hitzarmen berri baten arabera.

      Halaber, lurzoru-jardun bati emandako mailegua aldez aurretik mugaeguneratuko da erakunde mailegu-hartzaileak, bere kabuz edo beste erakunde sustatzaileren batekin hitzartuta, egindako etxebizitzen sustapenerako beste mailegu bat lortzen duenean.

      Hala eta guztiz ere, babes publikoko etxebizitzen sustapena egiteko xedez erakunde sustatzaileak figura horretarako finantzaketa kualifikatu espezifikoa eskatzen badu, hori lortu ahal izango du lurzorurako lortutako mailegu kualifikatua amortizatu gabe, eta kasu horretan sustapenerako maileguaren gehieneko zenbatekoari lurzoruaren alorreko mailegu kualifikatuaren zenbatekoa kenduko zaio, eta horrek bizirik jarraituko du etxebizitzak eskualdatu arte edo amortizazio-epea amaitu arte edo Eusko Jaurlaritzari edo, bestela, beste edozein Administrazio Publikori jabetza soila laga arte.

   3. Maileguek kreditu-erakunde mailegu-emaileek beharrezko irizten dituzten bermeak izango dituzte.

   4. Kreditu-erakundeekin sinatutako finantza-hitzarmenari jarraiki aurretiazko administrazio-baimenean zehaztutako interes-tasa berariaz mota horretarako finkatutakoa izango da. Interes-tasa hori Eusko Jaurlaritzak berariazko dekretuen bidez ezarriko du.

   5. Mailegu bakoitzaren erabilgarritasunak erakunde mailegu-hartzaileak gauzatu ditu eta kreditu-erakundeak libratuko ditu inbertsioaren garapenaren arabera.

   6. Kapitalaren amortizazioa eta kreditu-erakundeen interesak bilduko dituzten kuotak konstanteak izango dira eta hilabetean behin sortuko dira, aldeek adostu ahal izango duten ordaintzeko sistema gora behera. Edonola ere, aplikatu beharreko interes-tasa hilekoa izango da.

3. Horretarako aldez aurreko baimen indibidualizatuaren ebazpena eman ondoren, urbanizatzeko jardun babesgarrien sustatzaileek eta kreditu-erakundeek banku-deskontuko eragiketak hitzartu ahal izango dituzte, Euskal Autonomia Erkidegoko administrazioarekin sinatutako finantza-lankidetzarako hitzarmenean itundutako baldintzetan.

   Deskontu-linearen gehieneko zenbatekoa mailegu kualifikatuaren gehieneko zenbatekotzat ezarritakoaren berdina izango da.

1. Jardun finantzagarria sustatzen duen pertsonak azalera-eskubidearen titularra izan beharko du gutxienez ere berrogeita hamar urtez, edo lurren eskuratzeko aukeraren titular, edota lurzoruaren jabetza lortzeko gaitzen duen beste edozein tituluren jabe.

2. Desjabetzeagatiko eskuraketaren kasuan, beharrezkoa izango da lurrak barne hartuta dauden egikaritze-eremu edo -unitaterako desjabetze bidezko jardun-sistema ezartzen duen akordioa irmoa izatea, eta jarduneko administrazioak dagokion desjabetze-espedienteari hasiera ematea, aplikatzekoa den hirigintza-legerian eta nahitaezko desjabetzeari buruzko araudian xedatutakoaren arabera. Era berean beharrezkoa izango da desjabetzearen xede diren ondasun eta eskubideen zerrenda zehatza eta indibidualizatuari buruzko formulazio- eta ebazpen-izapidea bete dela ziurtatzea.

3. Era berean, lurzoru-urbanizazioko jardunetan onartuko da urbanizazioa egiteko itun egokia ziurtatzea, lurzoruaren titulartasuna duenarekin formalizatua.

1. Mailegu kualifikatu bakoitzaren edo bankuko deskontu-linea bakoitzaren aurretiazko baimen indibidualizaturako eskaerak Agindu honen 10. artikuluan definitutako kudeaketa-organora bidali beharko dira, eta etxebizitzaren alorrean eskumena duen Sailaren Erregistro Orokorrean aurkez daitezke edo Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 38.4 artikuluak zehaztutako moduetakoren batean.

2. Eskaerarekin batera, Agindu honen 7. artikuluko baldintzak betetzen direla egiaztatzen duten agiriez gain, honako hauek ere aurkeztu beharko dira:

   1. Jardun finantzagarria sustatzen duena pertsona fisikoa bada, Nortasun Agiri Nazionalaren, pasaportearen edo bere nortasuna egiaztatzeko balio duen beste dokumenturen baten fotokopia.

   2. Jardun finantzagarria sustatzen duena pertsona juridikoa bada, eraketa-eskrituraren fotokopia, estatutuen fotokopia (indarreko legediaren arabera nahitaezkoa balitz), Identifikazio Fiskaleko Zenbakiaren txartelaren fotokopia, haren izenean jardungo duen pertsona fisikoaren ordezkaritza egiaztatzen duen dokumentua eta Nortasun Agiri Nazionalaren, pasaportearen edo bere nortasuna egiaztatzeko balio duen beste dokumenturen baten fotokopia.

   3. Lurrak hiri-lurzorua edo lurzoru urbanizagarria direla egiaztatzen duen udal-ziurtagiria.

   4. Egin nahi den jardun finantzagarriaren ezaugarriak biltzen dituen txostena, Agindu honen 2. artikuluak aurreikusten dituen irizpideen arabera xehatua.

   5. Jardunaren bideragarritasun teknikoa eta hirigintzakoa justifikatzen duen txostena. Bertan honako hauek adieraziko dira: lurzorua eskuratzeko eta urbanizatzeko kostuak, eskuratzearen, urbanizatzearen eta eraikitzearen aldian aldiko programazio xehatua, babes publikoko etxebizitzen eta aurreikusitako lurzoruaren gainerako erabileren salmenta-prezioa, eta eragiketaren finantza-garapena.

   6. Udal-ziurtagiria, eremuaren antolamendu xehatuak behin betiko onespena duela eta Udalak urbanizazio-proiektuari hasierako onespena eman diola adierazten duena.

   7. Jardun finantzagarriaren sustatzaileak, lurren jabetza edo horien gaineko azalera-eskubidea eskuratzen dituenak, edota horien titularrak, urbanizazioa jardun babesgarri horren hirugarren sustatzaileek egiten badute, gainera, kasuen arabera, honako konpromiso hauek sinatu beharko ditu:

      Etxebizitzak eraikitzen hasteko, bere kabuz edo etxebizitzen sustatzaileekin ituna sinatuta, babes publikoko etxebizitzetara bideratutako bizileku-azalearen % 70 gutxienez, honako epe hauetan:

      • Lurzoru urbanizatua eskuratzen bada, urtebete.

      • Lurzoru-urbanizazioaren kasuan, bi urte.

      • Lurzorua berehala urbanizatzeko eskuratzen bada, hiru urte.

        Epeak aurretiazko baimenaren ebazpena jakinarazten denetik aurrera zenbatuko dira, betiere alde batera utzi gabe indarreko plangintzak edo aplika daitekeen hirigintza-legeriak epe laburragoak ezartzen baditu, epeak azken horietara egokitu beharko direla.

        4. atal honetako lehen paragrafoak aipatzen duen azalera eraikigarriaren gainerako % 30 destinatzen den etxebizitzen hasiera, edonola ere, jardun mota desberdinei dagozkien epeen ondorengo 2 urteko epearen barruan egin beharko da.

           Etxebizitzak, kasu guztietan, babes publikoko etxebizitzen alorrean indarrean dagoen araudiak ezarritako epean amaitu beharko dira.

   8. Diru-laguntzaren xede den lurzoruan eraikitzen diren etxebizitzen gaineko lehentasunez erosteko eta atzera eskuratzeko eskubideak Jabetza Erregistroan erregistratzea, Euskal Autonomia Erkidegoaren edo eskubideak lagako dizkion erakunde publikoaren alde.

3. Agindu honen 10. artikuluan definitutako kudeaketa-organoak aurkeztutako eskaeran zerbait falta dela edo gaizki adierazita dagoela edo aurkeztu beharreko agiriren bat falta dela atzematen badu, erakunde eskatzaileari jakinaraziko dio eta 10 eguneko epea emango dio arazoa konpontzeko edo falta dena aurkezteko eta hori egin ezean, eskaerari uko egin diola ulertuko dela adieraziko dio, Ebazpena Herri Administrazioen Araubide Juridikoaren eta Administrazio Prozedura Erkideari buruzko azaroaren 26ko 30/1992 Legearen 42. artikuluan ezarritako moduan idatzi beharrekoa eman ondoren.

Agindu honetan araututako erregimenaren bidez finantzaketa kualifikatua eskatzen denetik eman arte ahalik eta denbora gutxien igarotzea nahi da; hori dela-eta, espedienteak osatzen diren hurrenkeran esleituko da, lehiaketa-sistemarik erabili gabe.

1. Lurzoruaren eta hirigintzaren alorrean eskumena duen Zuzendaritzari dagokio Agindu honetan aurreikusten den finantzaketa kualifikatua kudeatzeko zereginak gauzatzea.

2. Hierarkikoki kudeaketa-organoaren goragokoa den organoak, eskaera aurkezten denetik hasi eta gehienez ere hiru hilabeteko epean, eta dagokion kudeaketa-organoak txostena egin ondoren, eskatu den finantzaketa kualifikatua esleitzeko edo ukatzeko ebazpena emango du.

   Ebazpen horren aurka, gora jotzeko errekurtsoa jar dakioke Eusko Jaurlaritzan etxebizitzaren alorrean eskumena duen Sailaren titularrari, ebazpena jakinarazi den egunetik hasi eta hilabeteko epean.

3. Finantzaketa kualifikatuaren aurretiazko baimen indibidualizatuaren ebazpenak eta horien balizko aldaketak Euskal Herriko Agintaritzaren Aldizkarian argitaratuko dira.

4. Ebazpena emateko epea igarotakoan, ebazpena ez bazaio interesatuari jakinarazi, egindako eskaera ezetsitzat hartuko da, Herri Administrazioen Araubide Juridikoaren eta Administrazio Prozedura Erkideari buruzko azaroaren 26ko 30/1992 Legearen 44.1 artikuluan ezarritako ondorioetarako, Lege horrek Administrazioari esanbidez ebazteko ezartzen dion betebeharra aparte utzi gabe.

Finantzaketa kualifikatua emateko kontuan hartutako edozein baldintza aldatzeak eta, hala badagokio, beste edozein erakunde publiko zein pribatuk emandako bestelako laguntzak aldi berean jasotzeak laguntza emateko aurretiazko ebazpena ere aldatzea ekar dezake, baldin eta finantzaketa kualifikatuaren xedea betetzat jotzen bada. Horretarako, ebazpena eman zuen organoak dagokion likidazio-ebazpena emango du, bertan finantzaketa kualifikatuaren zenbatekoa berregokituz.

4. , 7. eta 8. artikuluek aipatzen dituzten baldintzetako edozein ez betetzeak, dagozkion administrazio-izapideak egin ondoren, finantzaketa kualifikatua emateko aurretiazko ebazpena eman zuen organoak hura etetea ekarriko du.

   Ondorioak berdinak izango dira hasieran ezarritako programazioa Euskal Autonomia Erkidegoko Administrazioaren baimenik gabe aldatzen denean edo programazio hori betetzerakoan atzeratzeak (justifikatutako arrazoiak daudenean izan ezik) Agindu honen 8.2.e) artikuluan ezarritako eraikitzeko epeak betetzea ezinezkoa izango dela erakusten duenean.

   Kasu bietan, ez da aplikagarria izango finantzaketa kualifikatua emateko hitzarmendutako urteko interes-tasa efektiboa eta kreditu-erakundeek tasa hori aldatzeko eskubidea izango dute.