Koreografia-zuzendaritza: Nicolas Rambaud, Coral Troncoso Interpreteak : Leire Amonarriz, Vicky P. Miranda, Nicolas Rambaud, Juan Manuel Ramirez, José Luis Sendarrubias, Coral Troncoso Eszenografia: Megaló - Teatro Móvil Argiztapena: Paloma Parra Soinua-musika: Edizio musikala: Gonzalo Navarro Iraupena: 60' Diru laguntza: Kultura Ministerioa
Megaló - Teatro Móvil konpainiak 2002tik 2007ra landutako errepertorioko lan laburrak erakusten ditu ikuskizunak. Lanok elkarrekiko loturarik gabe sortu ziren, baina guztiek maitasuna dute hizpide: bat-bateko maitasuna, platonikoa, ideala, nartzisista edo fisikoa besterik ez dena. Adiskidetasuna falta zen, agian maitasun guztien artean baldintzarik gabekoena eta iraunkorrena dena, eta horrenbestez "500 cafés contigo" lanarekin osatu dugu ikuskizuna. Azken lan horren bitartez lotzen dira gainontzeko guztiak.
2001ean, Provisional Danza taldeko kide Nicolas Rambaud dantzari eta koreografo frantziarrak bakarkako ibilbideari ekitea erabaki zuen, eta Madrilgo dantza-maratoirako S3MI.3P bakarkako lana sortu zuen. Urte berean 'Las locas de Chaillot' ikuskizuna ekoitzi zuen, eta horretarako Coral Troncoso Provisional Danzako orduko zuzendari dramatikoari laguntza eskatu zion. Lankidetza horretatik sortu zen Megaló-Teatro Móvil.
