Klima-aldaketaren Euskadiko Estrategia plangintza-tresna bat da, Euskadiren jarduna gidatuko duena 2050ra arte, bai klima-aldaketa moteltzeko eta bai berak sortzen duen egoerara egokitzeko. Plangintzak bitarteko helburuak jartzen ditu 2020 eta 2030 urteetarako.

2050erako Estrategiaren helburu estrategikoen definiziorako, kontuan hartu dira bai Europako helburuak eta bide-orriak eta bai 2020rako Ingurumen Esparru Programan adierazitakoa eta aurreko plangintzaren helburuak, hots, 2008-2012 epealdirako Klima Aldaketaren aurkako Euskal Planaren helburuak. Alde horretatik, KAEEaren helburuek badute lotura estua 2020rako IEPan ezarritako helburu estrategiko hauekin:

• 1.HE. Gure kapital naturala babestea, kontserbatzea eta lehengoratzea, ekosistemek eskaintzen dizkiguten zerbitzuak zaintzeko.
• 2.HE. Euskadi ekonomia lehiakor, berritzaile, karbono isurketa txikiko eta baliabideen erabilpenean eraginkor bihurtzea.
• 5.HE. Politiken koherentzia bermatzea, ingurumen-integrazioa eta erantzunkidetasun publiko-pribatua areagotuz.

X. Legegintzaldia

Erakunde:

Ingurumena, Lurralde Plangintza eta Etxebizitza

Órgano:

Ingurumen Sailburuordetza;

“Klima-aldaketaren aurkako 2050erako Euskal Estrategia” partaidetzaren bidez eraiki da, lankidetza publiko-pribatuko espazioak sustatzearen bitartez. Eusko Jaurlaritzak, Ingurumen eta Lurralde Politika Sailaren bitartez, lankidetza-ildoak ditu irekita hainbat eragile eta administraziorekin: Eusko Jaurlaritzako Sailak, Foru Aldundiak, Udalak, Interes Taldeak, Gizarte Ekimenak, Eragile Ekonomikoak, Herritarrak…