Medikamentuen erabilera-orriak

Orrialde honetan aurkituko dituzu Espainian merkaturatzen diren medikamentuen erabilera-orriak. Printzipio aktibo edo medikamentuaren arabera egin ditzakezu bilaketak. Zenbaitetan, baliteke Sendagaien Europako Agentziaren orrira bidaltzea; orrialde hori ingelesez egon arren, "Product information" izeneko fitxan, erabilera-orriaren gaztelaniazko bertsioa aurkituko duzu.

Zer esan nahi du medikamentuekiko kontrako erreakzioa izateak?

Medikamentuekiko kontrako erreakzioak dira botika bat hartzeak eragiten dituen ondorio kaltegarri oro.

Medikamentu generikoak

Markakoek duten konposizio eta forma farmazeutiko bera dute medikamentu generikoek (printzipio aktibo bera eta kantitate bera). Merkaturatzeko bi baldintza bete behar dira: markako medikamentuaren patentea iraungitzea eta Medikamentuen eta Produktu Sanitarioen Espainiako Agentziak merkaturatzeko baimena ematea. Markakoek duten eraginkortasun eta segurtasun bera dute.

Medikamentu biosimilarrak 

Sendagaien eta Produktu Sanitarioaren Espainako Agentziak web orrialde honetan adierazten da zer den sendagai biosimilarra, nola garatzen eta baimentzen den, nola bermatzen den bere segurtasuna eta bere egonkortasuna, etabar. Gainera, Sendagaien Europako Agentziak gai honi buruzko landutako bideo bat ere eskuragarri duzu.

Zer dakigu plazebo efektuari buruz?

Aldizkari honetan plazeboa zer den eta zer efektu izan ditzakeen azaltzen digute; horretaz gain, plazeboaren erabilerari buruzko oinarrizko nozio etiko eta legal batzuk ere ematen dizkigute.

Medikamentuak nola probatzen diren

Herritarrei zuzendutako wegunea da. Medikamentuak garatzeko zer saiakuntza-mota egin beharko liratekeen azaltzen du.

Botikei alergia 

Immunologia Klinikoko eta Alergia eta Asma Pediatrikoko Espainiako Elkarteak botikei alergia izatea zer den azaltzen du.

Etxeko botika-kutxa 

Orrialde honen bidez jakingo duzu botika-kutxa batek zer osagai eduki behar dituen, non gorde behar den, nola gorde behar den?

Lehen Mailako Arretarako Farmazialarien Espainiako Sozietatearen (SEFAP) medikamentuei buruzko informazioa

Esteka honetan, medikamentuei buruzko informazioa duten dokumentuak aurkituko dituzu, zure edo zure ardurapean dauden pertsonen medikamentuak hobeto ulertzen eta erabiltzen lagunduko dizutenak.

Zure kontrako ondorioaren jakinarazi

Medikamentu baten kontrako ondorioaren susmoa hartzen baduzu eta zuk zeuk zure Autonomia Erkidegoko Farmakojagoletza Unitateari jakinarazi nahi badiozu, web orrialde honetan egin dezakezu.

Medikamentuei buruzko segurtasun-oharrak

Medikamentuak merkaturatu ondoren segurtasun-arazoak ager daitezke, une horretara arte ezagutzen ez diren segurtasun-arazoak, eta, beraz, informazio-ohar bat egin behar izaten da. Orrialde honetan jaso dira 2007tik izan diren medikamentuei buruzko segurtasun-alertak.

Automedikazioa

Zenbait sintoma arintzeko, hala nola min arina edo hoztura bat, har ditzakegu botikak gure kontura, baldin eta aurretik osasun-profesionalak noiz eta nola hartu adierazi badigu.

Segurtasunagatik segimendu osagarri bat egiten zaien medikamentuak ( )

Erabilera mugatua izan dutelako segurtasuna zorrotzago zaindu behar zaiela jotzen diren medikamentuak dira segurtasunagatik segimendu osagarria egiten zaien medikamentuak. Medikamentu horiek behera begira dagoen triangelu beltz bat izaten dute erabilera-orrian bereizgarri gisa ( ).

Medikazio-akatsak saihesteko gomendioak

Liburuxka honetan aurkituko dituzu erraz betetzeko 10 aholku, medikazio-akatsak saihesteko.

Zure tratamendua jakitea funtsezkoa da zure segurtasun klinikoan

Garrantzitsua da zure segurtasun klinikoan aktiboki parte har dezazun. Bete itzazu bost aholku hauek, errazak dira. Inplikatu!.

Bero-boladetan botikak egoki erabiltzearen gaineko informazioa

Botiken eta udaldiaren inguruan Botiken eta Osasun Produktuen Espainiako Agentziak landutako berariazko gomendioak.

Nola kontserbatu sendagaiak udan

Informazio horrek gogorarazten digu garrantzitsua dela sendagaien fabrikatzaileek adierazten dizkiguten kontserbazio-baldintzak mantentzea, sendagaien kalitatea, segurtasuna eta eraginkortasuna ez galtzeko.

Nola eragin dezakete elikagiek gure tratamendu farmakologikoan?

Weborrialdi honek nola hartu medikementuak eta elikagaiak buruzko informazioa eskaitzen du. Zalantzak ere erantzuten ditu eta aholkuak ematen ditu, beti botiken eta elikagien arteko interazkioei buruz.

Medikamentuen interakzioak

Amerikako Food and Drug Administration erakundearen agiri honetan medikamentuen artean izan daitezkeen interakzioei eta medikamentu eta elikagai zein edarien artean izan daitezkeenei buruz ari dira. Zalantzarik izanez gero, gure osasun-profesionalari kontsultatzea gomendatzen dute; hari esatea orotara zer medikamentu hartzen ari garen, sendabelarrak eta errezetarik behar ez duten botikak barne. Adibideak ere jartzen dituzte medikamentu-multzo desberdinak hartuta.

Edan dezaket alkoholik medikamentuak hartzen ari banaiz?

Oro har, alkoholik ez edatea gomendatzen da botika bat hartzen ari bagara, medikamentuaren ondorioak gutxitzen dituelako edo izan ditzakeen ondorio kaltegarriak indartzen dituelako.

Tratamendu antikoagulantea

Tratamendu antikoagulantearen inguruko informazioa duen fitxa. Besteak beste, puntu hauek jasotzen ditu: zer den, zer hartu behar den kontuan azenokumarola hartzen denean (Sintrom®), kontrolak nolakoak diren… Osakidetzako Paziente Aktiboak landutako informazioa da.

Ahotik hartzeko tratamendu antikoagulatzailearen (ATA) autokontrola

Gida honetan paziente antikoagulatuari bere AATaren autokontroleari buruz beharrezko informazioa ematen zaio.

Kortikoideak erabiltzeko aholku praktikoak

Kortikoideei buruzko informazioa eta aholkuak, Bartzelonako Hospital del Mar ospitaleko dermatologoek azalduta.

Metodo antikontzeptiboen gida

Errioxako Osasun Sailaren gida bat duzu hau, metodo antikontzeptiboei buruzko informazio oso baliagarriarekin.

Krema anestesikoa eta fotodepilazioa. Erabilera-gomendioakGero eta jende gehiagok erabiltzen du krema anestesiko bat fotodepilazio-saio baten aurretik hark eragiten duen mina arintzeko. Egoki erabiltzen ez bada ondorio kaltegarri larriak eragin ditzake. Medikamentu eta Produktu Sanitarioen Espainiako Agentziaren orrialde honetan nola erabili behar diren azaltzen da.

Medikamentuak eta gidatzea

Ibilgailuak gidatzean eragin dezaketen medikamentuen piktograma berriari buruzkoa da triptiko hau.

Medikamentuek bide-segurtasunerako duten eragina

Ibilgailuak gidatzean eragin dezaketen medikamentuen piktograma berriari buruzkoa da triptiko hau.

Antidiabetikoak eta gidatzea

Diabetes mellitusa tratatzeko erabiltzen diren botikek gidatzeko gaitasunari eragin diezaiokete. Trafikoko Zuzendaritza Nagusiak egindako artikulu honetan diabetesa duten gidarientzako zenbait aholku jaso dira.

Diabetesa eta gidatzea

Hipogluzemiek gidatzeko segurtasunari eragin diezaiokete. Trafikoko Zuzendaritza Nagusiaren informazioa.

Txerto motak

Txertoak diseinatzeko erabiltzen diren metodoak (birus edo bakterio osoak, zatiak, material genetikoa...) azaltzen dituen webgunea.

Txertoek funtzionatzen dute

Bideo bat da, eta bertan azaltzen da txertoak direla tratamendu eraginkorrik ez duten gaixotasun infekzioso batzuen aurkako aukera bakarra. Txertoei esker, milioika pertsona bizirik.

2024ko txertaketa kanpaina

Urteko prebentzio komunitarioko neurri nagusietako bat da Gripearen aurkako txertaketa Euskadin, persona helduei dagokionez. 60 urte baino gehiago dituztenak, diabetesa edo gaixotasun kronikoak dituztenak, profesional sanitarioak eta 6 hilabete eta 5 urte bitarteko haurrak dira arrisku-taldeak, eta haiei zuzenduta dago kanpaina hau.

Zer dira mirari-produktuak?

Hemen duzu Arabako Farmazialarien Elkargo Ofizialak egindako dokumentu hau; hor aurkituko dituzu asmo sanitarioa izan nahirik iragartzen dituzten produktu, substantzia, energia edo metodoak, zeinak, zenbaitetan, iruzur diren kontsumitzaileentzat.

Osagarri dietetikoak. Nork behar ditu?

Britainia Handiko Osasun Sailak informazioa emateko agiri bat argitaratu du: osagarriak zer diren, nork hartu beharko lituzkeen, zer eraginkortasun duten, zein ondorio kaltegarri dituzten…

Medikamentuak eta medikamentu-ontziak nola birziklatu

Hemen esango dizute balio ez duten ontzi hutsekin eta medikamentu hondarrekin edo iraungi direnekin zer egin.

Bideo honek medikamentuak birziklatzeko garrantzia azaltzen du.