05. Gobernantza eta Berrikuntza Publikoko Plan Estrategikoa (Ardatz 2030)

Ardatz’, 2030erako Gobernantza, Berrikuntza Publiko eta Gobernu Digitalerako Plan Estrategikoa, Euskal Autonomia Erkidegoko Administrazio Publikoaren gobernantza, berrikuntza publikoa eta gobernu digitala egituratzeko zeharkako tresna izango da.

Administrazio oso bat eraikitzea du xede plan honek, “berdintasunezkoa, berritzailea, enplegatu publikoen eta herritarren parte-hartze aktiboarekin, haien beharretan oinarritua, emaitzetara bideratu eta ebaluatzen dena, herritarren aurrean kontuak ematen dituena, irekia eta gardena, eta zerbitzu irisgarriak, kalitatezkoak, efizienteak, eraginkorrak eta seguruak eskaintzen dituena”.

Planak garapen iraunkorraren hiru dimentsioak (soziala, ekonomikoa eta ingurumenekoa) hartzen ditu bere baitan. Nazioarteko eta Europako estrategiekin eta konpromisoekin integratuta eta lerrokatuta dago eta Eusko Jaurlaritzaren beraren beste plan batzuekin lotuta dago.

Ardatz’ Eusko Jaurlaritzaren zeharkako estrategia gisa sortu da, Euskadi gobernantza publikoan, horizontalean, hurbilean eta lankidetzan puntako eskualdeen artean kokatzeko, gizartearen eskaera aldakorrei erantzuteko gaitasunarekin.

XII. Legegintzaldia