Prebentzioko ordezkarien erregistroa administrazio-mailako erregistro publiko eta bakarra da Euskal Autonomia Erkidego osorako, eta Laneko Lurralde Ordezkaritzen bidez kudeatzen da.

Lan-arriskuen prebentzioko ordezkarien izendapenak eta prestakuntza antolatu, egiaztatu eta publizitate bidez zabaltzea da erregistroaren xedea.

Erregistroaren eginkizunak dira, bestalde:

• Lan-arriskuen prebentzioko ordezkariei buruzko datuak inskribatzea.
• Erregistratutako datuak aldatzea, horiek eraldatzen direnean eta, hala badagokio, inskripzioak baliorik gabe uztea.
• Inskribatutako datuak egiaztatzen dituzten ziurtagiriak igortzea, horretarako legezko interesa egiaztatzen duten horiek eskatuta.
• Laneko eta Gizarte Segurantzako Lurralde Ikuskaritzari eta legezko interesa egiaztatzen duten pertsona fisiko edo juridikoei ematea Erregistroan agertzen diren datuei buruzko informazioa.