Enpresentzako Laguntza eta Zerbitzuen Katalogoa, 2025erako

Aurrerakin itzulgarriak bultzatzea oinarri teknologikoa eta/edo berritzailea duten ETEak sor eta gara daitezen.

Industriako ETEak, erauzketakoak, eraldatzaileak, produktiboak eta produktu-prozesu industrialari lotutako zerbitzu konexoak ematen dituztenak eta oinarri teknologikotzat eta/edo berritzailekotzat jotzen direnak, bai eta jarduera nagusitzat industria-enpresetan IT/OT (Information Technology/ Operational Technology) inguruneetarako ziberrerasoen aurrean babesteko sistemak bateratzea eta integratzea duten enpresak ere.

Krisian dauden enpresak berregituratzeko eta berrabiarazteko laguntza. Sustatu egingo dira industria- eta finantza-arloa berregituratzeko eta berrabiarazteko neurriak, krisialdian dauden enpresei epe ertain eta luzera bideragarritasuna itzultzeko, eta neurriok berregituraketa-planen barruan egon behar dute.

Ulertzen da diruz lagundu daitezkeela aurkeztutako planetan jaso diren neurriak aplikatzearen ondoriozko kostuak.

Euskal Autonomia Erkidegoan jarduera-zentro bat duten enpresa txiki eta ertainak, baldin eta erauzketakoak, eraldatzaileak edo produktiboak badira edo horiekin lotzen diren zerbitzu teknikoetakoak badira (produktuak-prozesuarekin lotuak), edo informazioaren eta komunikazioen gizartearen arlokoak badira, eta betiere krisian badaude.

Enpresa-proiektu berriak izaera berritzaile eta/edo oinarri teknologikokoak, industrialak eta/edo produktu-prozesu industrialari lotutako zerbitzuetakoak dutenak bultzatzea, EAEn dauden “Bussiness Innovation Center” (BIC) zentroetako baten tutoretzapean daudenak, ideia heltzeko fasean eta Euskal Autonomia Erkidegoan enpresa abiarazteko fasean.

Pertsona edo talde sustatzailearentzako edo enpresarentzako laguntza prozesurako dirulaguntzak, ideia heltzeko eta enpresa-plana egiteko prozesuan zehar eta proiektua martxan jarri arte. Itzuli beharrik gabeko dirulaguntzak dira.

Enpresa-plana gauzatzeko behar diren inbertsioen finantzaketa eskuratu ahal izateko bide emateko ETE-entzako laguntza; hura gauzatzeko, arau honen eta LUZARO Kredituaren Finantza-etxearekin sinatutako hitzarmenaren arabera formalizatuko diren mailegu-eragiketetarako finantza-kostua gutxituko da.

Euskal Autonomia Erkidegoko enpresen barne-ekintzailetza bultzatzea eta, hartara, enpresa-proiektu berritzaileak eta/edo oinarri teknologikokoak, industrialak eta/ edo zerbitzu aurreratukoak sustatzea. Horretarako, Euskal Autonomia Erkidegoko “Business Innovation Center” (BIC) baten babespean jardungo da, hala ideia garatzeko fasean, nola enpresa Euskal Autonomia Erkidegoan abiarazteko fasean.

Negozio Berriak Sortzeko Planerako laguntza, jarduera ekonomiko berriaren sorrera etengabe sustatze aldera. Laguntza hori itzuli beharrik gabeko dirulaguntza izango da.

Enpresari enpresa-ideia garatzeko eta enpresa-plana egiteko prozesuan laguntzea, plana abian jarri arte. Laguntza hori itzuli beharrik gabeko dirulaguntza izango da.

Enpresa-plana gauzatzeko behar diren inbertsioen finantzaketa eskuratu ahal izateko bide emateko ETE-entzako laguntza; hura gauzatzeko, arau honen eta LUZARO Kredituaren Finantza-etxearekin sinatutako hitzarmenaren arabera formalizatuko diren maile-gueragiketetarako finantza-kostua gutxituko da.

Euskal enpresek kanpoan egiten dituzten inbertsio produktiboei aurre egiteko finantzaketa ematea, 0 motako mailegu baten bitartez. Inbertsiok hiru urteren barnean gauzatu behar dira eta urte bateko gabealdiaren ondoren printzipala, bost urtetan itzuli beharra dago.

Kanpoan ezarpen produktiborako proiektuak dituzten euskal enpresak, tamainaren eta sektorearen aldetiko murrizketarik gabe.

Itzuli beharrik gabeko dirulaguntzen bidezko laguntza publikoa, fakturazio osoaren % 50etik gorako kanpo-fakturazioa duten enpresen kanpo-merkatuetarako sustapenarekin lotura duen gastu arruntari aurre egiteko, eta dibertsifikazioa sustatzeko merkatuetan guztizkoaren % 25etik beherako fakturazioarekin.

Euskadiko ETEak. Startup-ek tratamendu desberdina izango dute gastu hautagarrietan eta nazioartekotze proiektuen balorazioan.

EAEko ETEei laguntzea nazioarteko inbertsio publikoko proiektu pilotuen garapenei, eskala murriztu batean burutuko diren egiteko modu, metodologia, proposamen eta abar berritzaileak proban jartzeko, eta, behin-behinean, kopia daitezkeenak, bolumen handiagoko proiektuetan lortutako esperientziatik abiatuta.

Euskadiko ETEak.

Nazioarteko mugikortasuna sustatzea unibertsitateko eta edozein profiletako goi-mailako lanbide-heziketako tituludun gazteentzat, kanpoko espezialitate akademiko bakoitzera egokitutako enpresetan edo erakundeetan praktika ordainduak egiteko. Programaren helburu nagusia da euskal gazteak garapen profesionaleko beste kultura batzuetan sartzea.

Euskadiko unibertsitate-tituludun eta LHko goi-mailako graduko tituludun gazteak/Prestakuntzan elkarlanean diharduten Euskadiko enpresak.

Industrian eta eraikinetan hidrogenoa kontsumitzeko inbertsioak egitea, erregai fosilen kontsumoak ordezkatzeko.

ETEetan energia-efizientzia sustatzeko inbertsioak, energiakontsumoa murriztea dakartenak, egitea.

Realización de inversiones en eficiencia energética en el sector distribución, que conlleven una reducción del consumo energético.

Energia-eskaria kudeatzeko sistema integralak ezartzeko inbertsioak egitea.

Garraio eta mugikortasun efizienterako jarduketak egitea; bizikletaren sustapena.

Klimatizaziorako biomasa-instalazioetan.

Eguzki instalakuntza termikoetan inbertsioak.

Hidrogenozko autobus elektrikoak erostea eta hidrogenerak ezartzea.

Izaera pribatuko pertsona juridikoak edo jarduera ekonomiko bat egiten duten pertsona fisikoak.

Neurri bakoitzean EJSNen mugak egiaztatzekoa.

Beste erakunde batzuk, azpineurriaren arabera.

Laguntza hauen helburua da ekonomikoki laguntzea garapen-bidean dauden itsasoko energia-teknologia berriztagarriak erakusteko eta balioztatzeko inbertsioetan. Zehazki, honako jarduketa hauek lagundu daitezke diruz:

• Olatu-energia hartzeko prototipoen proba esperimentalak erakusteko edo balioztatzeko fasean, eskala errealean edo errealetik hurbileko eskalan.
• Aerosorgailuen zimendu flotagarrien prototipoen proba esperimentalak erakusteko edo balioztatzeko fasean, eskala errealean edo errealetik hurbileko eskalan.
• Itsas aerosorgailuen prototipoen proba esperimentalak erakusteko edo balioztatzeko fasean, eskala errealean edo errealetik hurbileko eskalan.
• Aurreko ataletan aipatutako prototipoen ekilaguntzaile edo osagarrien proba esperimentalak erakusteko edo balioztatzeko fasean leudekeenak.

EAEko lurraldean laguntza-programaren oinarrietan aurreikusitako jarduketak gauzatzen dituzten pertsona juridiko publiko edo pribatuak.

EAEko lurraldean laguntza-programaren oinarrietan aurreikusitako jarduketak gauzatzen dituzten izaera publiko edo pribatuko partzuergoak, multzokatzeak edo enpresa-elkarteak, nortasun juridikorik gabeak, Dirulaguntzen Lege Orokorraren 11. Artikuluan ezarritakoarekin bat etorriz.

Ingurumenerako aholkularitza-inbertsio, -azterlan eta -zerbitzuetarako laguntzak, kutsatutako lurren saneamendurako laguntzak barne, kutsaduraren arduraduna identifikatu ezin denean; eta hirugarrenek sortutako hondakinei balioa emateko proiektuetarako laguntzak, baldin eta, bestela, ingurumena gutxiago errespetatzen duten tratamenduak edo deuseztatzeko badira.

IUnbertsioek Europar Batasuneko ingurumena babesteko arauetatik harago joan behar dute, edo, araurik ezean, babes-maila handitzera.

Industria, merkataritza edo zerbitzu jardueretan aritzen den pertsona fisiko edo juridiko pribatua. Ingurumen-arloko aholkularitza-zerbitzuetarako laguntza-lerro bat ere badu, ETEentzat soilik.

BIND berrikuntza irekiko plataforma da; Eusko Jaurlaritzak sustatzen du, bere Enpresa-Garapenerako Agentziaren bidez (SPRI). Hartan, aktiboki parte hartzen dute Euskadin presentzia duten enpresa nagusiek. BIND plataformaren helburua da enpresa eta startup teknologikoen arteko elkarreragina dinamizatzea, industria adimendunaren, energiaren, osasunaren eta elikaduraren eremuetan proiektu berritzaileenen garapena sustatzeko. Programan, 55 enpresa lider baino gehiagok parte hartzen dute, eta startup berritzaile, enpresa handi eta ekintzailetzaren eta industriaren Euskadiko ekosistemako agenteen elkargune gisa posizionatzen da. Aurreko ediziotik ETEek ere programa honetan sartzeko aukera dute.

2016/01/01aren ondoren eratutako startupak, munduko edozein lekutakoak, industria adimendunaren, energiaren, osasunaren eta/edo elikaduraren eremuetan aplikatutako soluzio teknologikoak dituztenak.

Enpresa-ideia berritzaile bat eta/edo oinarri teknologiko bat heltzen laguntzea.

Ekimen berritzaile eta/edo oinarri teknologikoko berriren bat martxan jarri nahi duten pertsona fisiko indibidualak, pertsona-taldeak edo enpresak.

BasqueTrade euskal enpresen nazioartekotze-prozesuarekin batera doa, enpresa bakoitzaren errealitatera egokitutako aholkularitza estrategikoko eta eraginkorraren bitartez, nazioartekotze-prozesu osoan laguntza integrala eskainiz.

• Banakako aholkularitza adituekin, zure enpresaren balio-proposamena aztertzeko eta sarreraestrategiarik onena zehazteko.
• Merkatura sartzea eta zabaltzea: laguntza eta aholkularitza-zerbitzuak, hautatutako merkatuan sartzen laguntzeko beharrezko jarduerak planifikatu eta gauzatzeko. Hontarako, Basque Tradek bulego sare zabala du munduan, 22 bulego propio eta 90 herrialde baino gehiago hartzen dituen kolaboratzaile sarea.
• Bulego-saretik sortzen diren merkatu-aukerak hurbiltzea, eta horiei erantzuteko laguntza ematea.
• Zure enpresarako neurrira egindako txostenen bidez baliozko informazioa ematea.
• Jardunaldi interesgarrietan parte hartzea, sektorean jarduten duten beste enpresa batzuekin esperientziak trukatzeko eta unean uneko funtsezko informazioa eta palankak lortzeko.
• Urtero diseinatutako sektore-planetara sarbidea, euskal sektorearentzako bereziki diseinatutakoak.

Prestakuntza-zerbitzua, beren lehiakortasuna hobetzeko; horretarako, prestakuntza emango zaie informazio-teknologiak erabiltzeko. Horretarako, 2 orduko ikastaroak emango dira, online formatuan, zuzeneko streaming interaktiboarekin (ikastaroen eskaintza).

EIKTen gaien inguruko zabalkundea eta sentsibilizazioa. Helburua da hartan egiten den lana abiapuntu izatea parte-hartzaileek gaia beren erakundeen barruan sustatzeko, haren ezagutzak eta aplikazioak ETEei emaitzak hobetzen eta optimizatzen laguntzeko.

Euskadiko edozein sektoretako enpresa txiki eta ertainetako zuzendaritzako pertsonak eta kudeatzaileak, nagusiki industria-enpresetakoak, beren erakundeetan agintzeko boterea duten pertsonak.

Euskal Autonomia Erkidegoko enpresetan zibersegurtasun arloko gertakarien simulazioak egiten laguntzea. Simulazioak hartzaile mota ezberdinei zuzenduta egongo dira, eta horien helburua, funtsean, gertakarien aurrean erantzuteko plan bat edo krisiak kudeatzeko protokolo bat edukitzearen garrantziaz kontzientziatzea izango da, aldi berean enpresetako zuzendaritza organoak zibersegurtasunarekin lotutako gaietan inplikatzen saiatuz.

Enpresa-jarduera egiten duten pertsona fisiko eta juridikoak, enpresaren tamaina eta sektorea edozein izanda ere. EAEn jarduera-zentro bat izan beharko dute, simulazioak egiteko.

Energia-aurrezpenak monetizatzea ahalbidetzen du tresna honek, energia-efizientzia areagotzeko egindako inbertsioen zati bat berreskuratuz (ekipamenduak berritzea edo hobetzea, baita elementu osagarriak eta beste hainbat ere). Azken erabiltzaileak kontraprestazio bat jaso ahalko du Behartutako edo Delegatutako Subjektu batetik lortutako aurrezpenak saltzen baditu aurrezki horiek, ondoren CAE/EAZ Sistemaren bidez ziurtatzeko.

Dokumentu elektroniko bat da EAZ Energia Aurrezpeneko Ziurtagiria, eta energia-efizientzia areagotzeko jarduketa bat egin ondoren, amaierako energia-aurrezpen bat lortu dela bermatzen du.

Aurreko egoera batekin alderatuta, energia-aurrezpen bat dakarten eta 2023ko urtarrilaren 26tik aurrera (egun hori barne) egikaritu diren jarduketek eragin ahalko dituzte Energia Aurrezpeneko Ziurtagiriak.

Euskadin kokatuta dauden beren instalazioetan energia-aurrezpeneko jarduketa bat egikaritzen duten pertsona fisiko edo juridikoak, izaera publiko edo pribatukoak.

Txosten arrazoitu lotesleak egitea Sozietateen gaineko Zergako kuota likidoan Teknologia Garbien Zerrendan definitutako edozein ekipotan egindako inbertsioaren zenbatekoaren %30 kentzeko, ingurumen eragin negatiboak murrizten dituzten ekipoak ezartzeko, edo eraginkortasun energetikoan, baliabideen erabilera jasangarrian edo ingurumena babesteko jardueretan hobekuntza esanguratsuak eginez ingurumeneko inpaktu negatiboak murriztuko duen edozein prozesu, produktu edo zerbitzu ezartzeko.

Kenkari hori mikroenpresa eta enpresa txikientzako amortizazio askatasunarekin eta amortizazio azeleratuarekin bateragarria da.

Doako tresna informatikoa, erakunde, produktu eta zerbitzuen ingurumen portaeraren ebaluazio sinplifikatua egiteko, bizi zikloaren ikuspegiarekin. Tresnak ahalbidetzen du erakunde, produktu eta zerbitzuen karbono aztarna eta ingurumen aztarna korporatiboa kalkulatzea, produktu eta zerbitzuen bizi ziklo sinplifikatuaren azterketa egitea, eta ekonomia zirkularraren adierazleak kalkulatzea fokua antolaketan eta produktuan jarrita.