Enpresentzako Laguntza eta Zerbitzuen Katalogoa, 2024erako

Ikerketa Industrialeko edo Garapen Esperimentaleko Proiektuak egin daitezen, lehia-arloan bezala estrategia-arloan ere, Euskal Autonomia Erkidegoko enpresa-sektorean, bai eta 2030erako Euskadiko Zientzia, Teknologia eta Berrikuntzarako Planaren barruko espezializazio esparruetan ere. Bi laguntza-ildo bereizi ditu:

• Izaera lehiakorreko I+G proiektuak: Produktu, prozesu eta zerbitzu berriak garatzeko. Banaka edo elkarlanean egin daitezke, eta, urtean, guztira, gutxienez 100.000 €-ko aurrekontua behar dute.
• Izaera estrategikoko I+G proiektuak: proiektu horiek enpresa-lidergoan oinarrituta eta Euskal Autonomia Erkidegoko ahalmen zientifiko-teknologikoak baliatuta sortu dira, eta lankidetzan edota bereizirik egin behar dira. Gutxienez, 4 M€-ko aurrekontua behar dute eta, gehienez, 3 urteko iraunaldia.

Zientzia, Teknologia eta Berrikuntzako Euskal Sarea osatzen duten ikerketa, garapen eta berrikuntzako erakundeek egindako Elkarlaneko Ikerketa egiteko laguntza ematea, Euskadiko 2030erako Zientzia, Teknologia eta Berrikuntza Planean jasotako espezializazio-esparruetan. Hiru laguntza-ildo bereizi ditu:

• Lankidetzan egindako oinarrizko ikerketa-proiektuak: Zientzia, Teknologia eta Berrikuntzako Euskal Sareko eragileek elkarlanean egindakoak. Urte anitzekoak izan daitezke, eta guztira, gutxienez, 500.000 €-ko aurrekontua behar dute, proiektuko, eta 50.000 €-koa, erakunde parte-hartzaile bakoitzeko.
• Industria-potentzial handiko ikerketa-proiektuak: Funtsezko ikerketa orientatuko edo industria-ikerketako proiektuak, ZTBESeko I+G enpresa-unitateak buru dituztenak, trakzio-ahalmen handia dutenak eta ZTBP 2030 espezializazio-eremuetan merkatura iristen direnak, ZTBESeko beste eragile batzuekin lankidetzan edo ez. Urte anitzekoak izan daitezke, eta proiektu bakoitzeko gutxienez 200.000 euroko aurrekontua eta parte hartzen duen erakunde/urte bakoitzeko 50.000 eurokoa behar dute.
• Interes bereziko ekintza osagarriak: Interes bereziko ekintza osagarritzat hartuko dira eskaintza-eskaria bitartekaritza-organismoek eta Zientzia, Teknologia eta Berrikuntzako Euskal Sareko hedapen-organismoek esklusiboki garatutako eskaintza eta eskari teknologikoaren arteko bitartekaritza-proiektuak, ZTBP 2030 espezializazio-eremuetan. Banaka edo elkarlanean egin ahalko dira, zenbait erakunderen artean, eta urte anitzekoak izan ahalko dira.

I+G proiektuen garapenerako laguntza ematea, eta, horretarako, doktore-titulua duten ikertzaileak sartzea eta industria-doktoregoak egitea, bai Euskal Autonomia Erkidegoan egon edo bertan ekoizpen-instalazioa duten enpresetan, bai Zientzia, Teknologia eta Berrikuntzaren Euskal Sareko zenbait agentetan; hala, laneratzeko bide emango da beren lanbide-karreren hasieratik, eta Euskadiko ekoizpen-egituraren lehiakortasuna handituko da, hartan talentua sartzearen ondorioz. Bi laguntza-ildo bereizi ditu:

• Doktore-titulua duten pertsonen kontratazioa, entitate onuradunek garatuko dituzten I+G proiektuetan lan egiteko.
• Industria-doktoregaiak prestatzea, prestakuntzan dauden ikertzaileen lan-kontratuak batera finantzatuz, 2030eko ZTBParen espezializazioko arloen barruan industria-ikerketako proiektu batean parte har dezaten, zeina haien doktorego-tesiaren esparrua izango baita.

Euskadi 2030 Zientzia, Teknologia eta Berrikuntza Planaren barruan dauden espezializazio-eremuetan berrikuntza proiektuak egiteko eta/edo berrikuntza bultzatzeko funtsezko ekintza osagarriak burutzeko laguntza.

Berrikuntza-proiektuak:

• TRL altuetako garapena (TRL 7-9) produktu eta ekoizte-prozesurako.
• Teknologien txertatzea produktu eta ekoizte-prozesurako.
• Metodologien txertatzea produktu eta ekoizte-prozesurako.
• Negozio-ereduetan

Funtsezko ekintza osagarriak:

• Kudeaketa aurreratua KUDEABIDE
• I+G+b-ren nazioartekotzea
• I+G+b-aren babestea eta balioestea.

Manufaktura-enpresetako produktu eta zerbitzuen diseinuan eta garapenean teknologia digitalak eta jasangarriak sartzeko laguntza, Basque Digital Innovation Hub (BDIH) eratzen duten aktiboen gaineko bideragarritasuna, aholkularitza eta laguntza teknikoa aztertzeko proiektuen bidez, honako eremu hauetan: robotika malgua eta elkarlanekoa, fabrikazio gehigarria, zibersegurtasuna, makina konektatuak, material aurreratuak, gailu medikoak eta osasun digitala eta sare elektriko digitalak.

Garatutako proiektuak honako hauetara bideratu ahalko dira:

• Ekintza-plan bat egitea, teknologia horiek barneratzeko ahalmena handitzeko.
• Kontzeptu-proba bat egitea.

• Pertsona edo talde sustatzailearentzako edo enpresarentzako laguntza prozesurako dirulaguntzak, ideia heltzeko eta enpresa-plana egiteko prozesuan zehar eta proiektua martxan jarri arte. Itzuli beharrik gabeko dirulaguntzak dira.
• Enpresa-plana gauzatzeko behar diren inbertsioen finantzaketa eskuratu ahal izateko bide emateko ETEentzako laguntza; hura gauzatzeko, arau honen eta LUZARO Kredituaren Finantza-etxearekin hitzartutako hitzarmenaren arabera formalizatuko diren mailegu-eragiketetarako finantza-kostua gutxituko da.

• Negozio Berriak Sortzeko Planerako laguntza, jarduera ekonomiko berriaren sorrera etengabe sustatze aldera. Laguntza hori itzuli beharrik gabeko dirulaguntza izango da.
• Enpresari enpresa-ideia garatzeko eta Enpresa Plana egiteko prozesuan laguntzea, plana abian jarri arte. Laguntza hori itzuli beharrik gabeko dirulaguntza izango da.
• Enpresa-plana gauzatzeko behar diren inbertsioen finantzaketa eskuratu ahal izateko bide emateko ETEentzako laguntza; hura gauzatzeko, arau honen eta LUZARO Kredituaren Finantza-etxearekin hitzartutako hitzarmenaren arabera formalizatuko diren mailegu-eragiketetarako finantza-kostua gutxituko da.

Euskadiko Autonomia Erkidegoko enpresetan adimen artifizialean oinarritzen diren merkataritza-zerbitzu eta/edo -soluzioak aplikatzeko proiektuak bultzatzea, demostrazio- balioa dutenak eta Euskadin teknologia horren eskaintza eta eskaria aktibatzeko aukera ematen dutenak, enpresen lehiakortasuna hobetzea lortzeko.

Adimen artifizialean oinarritzen diren merkataritza-zerbitzu eta/edo -soluzioak aplikatzeko proiektuak, bai eta Datuaren Ekonomiarekin lotutako proiektuetarako ere, demostrazio-efektua dutenak eta Euskadin teknologia horren es- kaintza eta eskaria aktibatzeko aukera ematen dutenak, enpresen lehiakortasuna hobetzea lortzeko. Adimen artifizialean oinarritzen diren merkataritza-zerbitzu eta/edo -soluzioak aplikatzearekin zerikusia izan beharko dute. Adimen artifizialeko algoritmiaren erabilera egiaztatu beharko dute honako eremu hauetan, besteak beste: machine learning, deep learning, ikuspen artifiziala.

Enpresetako zibersegurtasuna sustatzea, bereziki IT/OT Inguruneetarako (Information Technology/Operational Technology) industriako eta zerbitzu aurreratuetako enpresetan zibererasoei aurre egiteko babes-sistemak bateratzeko eta integratzeko proiektuak.

IT/OT Inguruneetarako (Information Technology / Opera- tional Technology) industriako eta zerbitzu aurreratuetako enpresetan zibererasoei aurre egiteko babes-sistemak bateratzeko eta integratzeko proiektuak; urrutiko sarbi- deak eta industria-informazioa/-datuak babestea; ziber- segurtasunaren diagnostikoa eta ebaluazioa; plantillaren kontzientziazioa; zibersegurtasunaren arloan industriaren egungo egoeraren diagnostikoa. Zibersegurtasunaren estandarretan jasotako jardunbide egokiak izatea. Infor- mazio estrategikoa babesteko neurriak; gailuen monitorizazio.

METAPOSTAk enpresen eraldaketa digitala errazten du, euren langile, bezero, hornitzaile eta kolaboratzaileekin dokumentuak kudeatzeko prozesuak arintzeko eta errazteko diseinatutako irtenbide digital fidagarrien plataforma baten bidez. Irtenbideak:

• Dokumentazioa bidaltzea METAPOSTAko postontzi digitaletan.
• Sinadura elektronikoa. Sinadura anitzekoa.
• Komunikazio egiaztatuak.
• Zaintza elektronikoa.

SPRI, EJIE eta IZENPEren babesaz emandako zerbitzua.

Laguntza-programaren helburua da karbono dioxidoaren emisioak eta azken energia-kontsumoa murriztuko dituzten jarduketak egitea eta, hartara, Euskal Autonomia Erkidegoko energia efizientzia hobetzea. Diruz lagundu daitezkeen jarduketen tipologia:

• Energia kontsumitzen duten ekipamendu eta instalazioak, prozesuak eta sistema osagarriak hobetzeko inbertsioak, edo energia-efizientzia handiko teknologiak edo eskura dagoen teknologiarik onena erabiltzen duten beste batzuekin ordezteko inbertsioak. Ekonomia/energia ratio maximoa izango da urtebetean azken energian aurrezten den petrolio-tona baliokide bakoitzeko 14.379 euroko inbertsio hautagarria.
• ISO 50001 Araua betetzen duten SGE bat ezartzea energia-kontsumitzaile handiak ez diren enpresetan. Gehieneko ratio ekonomiko/energetikoa 14.501 eurokoa izango da (inbertsio hautagarria)/tep (urtebetean azken energia aurreztea).

• Industria-sektoreko enpresa txiki eta ertaina, edo enpresa handia, 2009ko Ekonomia Jardueren Sailkapen Nazionalaren arabera B, C, D edo E taldekoa, egoitza fiskala Espainian duena eta laguntzaren xede den jarduketa Euskal Autonomia Erkidegoan garatzen duena.
• Energia zerbitzuetako enpresak, aurreko atalean adierazten diren enpresetakoren bati energia zerbitzatzeko kontratua dutenak. Proiektua gauzatzen den enpresari jasanaraziko zaio programa honetan aurreikusten den laguntza.

Laguntza-programaren helburua da salgaiak eta bidaiariak garraiatzeko ibilgailu astunen parkea berritzea, karbono urriko energia alternatiboak erabiltzen dituzten ibilgailuen propultsiorako teknologien hedapena sustatzea, eta Euskal Autonomia Erkidegoan automozioaren sektorea bultzatzea eta industria suspertzea.

Diruz lagundu daitezkeen jarduketak dira:

• 1) Ibilgailuak txatarra bihurtzea.
• 2) Karbono urriko energia alternatiboak erabiltzen dituzten ibilgailuak ero.
• 3) Ibilgailuen propultsio modua aldatzea edo «retrofit» birmoldaketa.
• 4) Ibilgailu elektrikoak kargatzeko azpiegitura ezartzea.
• 5) Tren-autobideetarako erdi-atoiak erostea.

Jarduera ekonomiko edo juridikoren bat egiten duten pertsona fisikoak, baldin eta laguntzak eskatzen diren egunean indarrean dauden baimen hauetakoren baten titularrak badira:

• MDPE gakoarekin identifikatzen den salgaien garraio publikorako baimena, 3,5 tonatik gorako gehieneko masa duten ibilgailuekin edo ibilgailu multzoekin garraiatzeko gaitzen duena.
• VDE gakoarekin identifikatzen den autobus bidezko bidaiarien eskatu ahalako garraio publikorako baimena.
• MPCE gakoarekin identifikatzen den salgaien garraio pribatu osagarrirako baimena, 3,5 tonatik gorako gehieneko masa duten ibilgailuekin edo ibilgailu multzoekin garraiatzeko gaitzen duena.
• VPCE gakoarekin identifikatzen den autobus bidezko bidaiarien garraio pribatu osagarrirako baimena.
• MDLE gakoarekin identifikatzen den salgaien garraio publikorako autonomia-erkidegoko baimena, betiere baimen horri 3,5 tonatik gorako gehieneko masa duten ibilgailuak lotzen bazaizkio.

• Hotelak: Hotelak, hotel-apartamentuak eta pentsioak.
• Apartamentu turistikoak.
• Kanpinak.
• Landa-turismoko etxeak eta landa-etxeak.
• Turismoko aterpetxeak (Behin-behinekotzat edo behin-behinekotzat hartzen ez diren eraikin).

Programa honen bidez, ETEetan energiari buruzko auditoretza integralak egitea sustatu nahi da, haien instalazioen azken energia-kontsumoa eta CO2 emisioak murrizteko.

Auditoretza egiteko erabili beharreko metodologia UNEEN 16247 arauari edo horren ondorengo aldaketa edo hobekuntzei lotuko zaie. Kontuan hartukodira honako hauek: garatu beharreko irismena, eskatzailearen kontsumitzaile-profila, kontsumitutako energiak, egin beharreko monitorizazioak, garatu beharreko energia-balantzeak eta horien konplexutasuna, kogenerazio-instalazioen bideragarritasun-azterketa ala ez, etab.

Industriaren eta hirugarren sektorearen ETEtzat jotzen diren enpresak, baldin eta 2009ko Jardueren Sailkapen Nazionala (CNAE 2009) 07tik 39ra bitartekoa bada, sektore industrialean barne, eta 41etik 99ra bitartekoa, hirugarren sektorean barne, Euskal Autonomia Erkidegoko Energia Jarrantasunari buruzko otsailaren 21eko 4/2019 Legearen arabera, energia kantitate handia kontsumitzen duten enpresatzat hartzen ez badira.

Energia kantitate handia kontsumitzen duten enpresek urtean azken energia-kontsumoa 500 tpb baino energia gehiago kontsumitzen dute industria-sektorean, eta 40 tpb hirugarren sektorean.

Beren jarduera azpisektore lehiakor berrietara eta ekoiz- pennitxo berritzaile berrietara dibertsifikatzenduten edo kalitatezko produktuen eraldaketa eta merkaturatzea sus-tatzen duten nekazaritza-ustiategien titularrentzako lagun- tzak.

Sektore desberdinetan/proiektuetan eginiko inbertsioei laguntzea:

• 1. Nekazaritza-jatorriko produktuak eraldatzeko, merkaturatzeko eta garatzeko inbertsioak.
• 2. Baso-jatorriko produktuak eraldatzeko eta merkaturatzeko inbertsioak.
• 3. Arratza- eta akuikultura-produktuak eraldatzeko eta merkaturatzeko inbertsioak.
• 4. Euskal Autonomia Erkidegoko nekazaritza- eta elikagai-industrietako inbertsioak, aurreko puntuetan sartzen ez direnak.
• 5. Produktu ekologikoak eraldatzeko eta merkaturatzeko inbertsioak.

1. Eskaintza metatzea eta ekoizpena merkaturatzea.

2. Ingurunearekiko adeitsuak diren praktikak sustatzea, garatzea eta aplikatzea. Halaber, gaixotasun eta izurriekiko erresistenteak izango dira, hondakinak murriztuko dituzte eta azpiproduktuen kudeaketa ekologikoa ahalbidetuko dute, berrerabiltzea eta balioztatzea barne.

3. Biodibertsitatearen babesa eta hobekuntza eta baliabide naturalen erabilera jasangarria sustatzea, bereziki uraren, lurzoruaren eta airearen babesa.

4. Klima-aldaketara egokitzen eta hura arintzen laguntzea; halaber, berotegi-efektuko gasen emisioak murriztu, karbono-harrapaketa hobetu eta energia jasangarria sustatuko da.

Diruz lagundu daitezke, besteak beste, honako jarduketa hauek:

• a) Aktibo material eta immaterialetan, ikerketan eta ekoizpen-metodo berritzaile eta esperimentaletan egiten diren inbertsioak, besteak beste.
• b) Gai desberdinetan ematen diren aholkularitza eta laguntza teknikoko zerbitzuak, hala nola izurrien kontrola, produktu fitosanitarioen erabilera edo laneko segurtasuna eta osasuna.
• c) Hainbat eremutako prestakuntza (jardunbide egokiak, animalien osasuna, merkaturatzea).
• d) Produkzio ekologikoa edo integratua.
• e) Sustapena, komunikazioa eta merkaturatzea.
• f) Kalitate-erregimenak aplikatzea.
• g) Trazabilitate- eta egiaztatze-sistemak aplikatzea.
• h) Klima-aldaketa arintzeko eta horretara egokitzeko ekintzak.

1. Nekazariek kalitate-araubideetan lehen aldiz parte hartzeko laguntzea. Ustiategi bakoitzari urteko prima bat emango zaio kalitate-araubideetan parte hartzeagatik, onuradunak izena ematen duen urtean hasi eta gehienez 5 urtez.

2. Kalitate-araubidea duten produktuekin erkidegoko merkatuarentzat ekoizle-taldeek egindako informazio- eta sustapen-jarduerak garatzen laguntzea.

Euskal Autonomia Erkidegoko nekazaritza-, arrantza- eta elikadura-sektoreetako elkarte eta federazio profesional eta enpresarialei finantzaketa ematea, honako kontzeptu hauetarako:

• Autonomia-eremuetan elkartekideen interesak defendatzeko aitortuta eta aginduta dituzten ordezkaritza-eginkizunak betetzetik eratorritakoak.
• Elkarte-erakundeen funtzionamenduaren gastu arruntak ordaintzekoak, elkarte-helburuak behar bezala betetzea sustatzeko.
• Sektore horien jarduera gauzatzeko baldintzak eta baldintza sozioekonomikoak sustatzera eta hobetzera bideratutako izaera esperimentaleko jarduerak eta azterlanak egiteari dagozkionak.
• Nekazaritza-, arrantza- edo elikadura-azokak eta -lehiaketak antolatzekoak.

Ideiak landu eta proiektuak definitzeko prozesuetan pertsona ekintzaileei tresnak ematea.

• 1. Negozioa abian jartzeko aholkularitza-lanak egiteko laguntzak.
• 2. I+G proiektuen bideragarritasun-azterketak egiteko laguntzak.
• 3. Patenteak eta beste aktibo immaterial batzuk lortu, baliozkotu eta defendatzeko gastuetarako laguntzak.
• 4. Berrikuntza-arloko aholkularitza-lanak egiteko laguntzak.
• 5. Digitalizazio-arloko aholkularitza-lanak egiteko laguntzak.

Gutxienez bi erakunderen artean lankidetzarako moduak sustatzea, LGPko zeharkako helburuei laguntzeko.

Doktorego-tesiak egiteko ikertzaileak eta langile teknologoak trebatzea, EAEko nekazaritzaren, arrantzaren eta elikagaigintzaren sektoreko zientzia-teknologiaren, merkatuen, marketinaren eta enpresa-antolakuntzaren alorretan garatu beharreko I+G+b proiektuetan sartuz eta parte hartuz, bi programaren bidez:

• Ikertzaileen programa: 12 beka.
• Langile teknologoak trebatzeko programa: 10 beka.

Bioekonomiaren arloan berrikuntza-proiektuak egitea sustatzea eta bultzatzea, bi lerroren bidez:

• 1. lerroa, proiektu pilotuak garatzeko laguntzak.
• 2. lerroa, proiektu erakusleak garatzeko laguntzak.

Ingurumenerako aholkularitza-inbertsio, -azterlan eta -zerbitzuetarako laguntzak, kutsatutako lurren saneamendurako laguntzak barne, kutsaduraren arduraduna identifikatu ezin denean; eta hirugarrenek sortutako hondakinei balioa emateko proiektuetarako laguntzak, baldin eta, bestela, ingurumena gutxiago errespetatzen duten tratamenduak edo deuseztatzeko badira.

Inbertsioek Europar Batasuneko ingurumena babesteko arauetatik harago joan behar dute, edo, araurik ezean, babes-maila handitzera.

Euskadi 2030eko ekonomia zirkularreko plana bultzatzea, eta, horretarako, lehiakortasun-balio jasangarria hobetzeko merkatu-tresna eta metodologia onartuak aplikatzea eta enpresa txiki eta ertainetatik negozio-eredu zirkularragoetarako trantsizioa erraztea.

Basque Green Deal ingurumen-politikako tresna jakin bati erantzuten dioten proiektuen garapena finantzatzen da. Horretarako, banakako lana eta taldeko ikaskuntza konbinatuko da, bitarteko eragileek gidatuta.

Proiektuek helburu hauek  izan ditzakete: aukera zirkularrak identifikatzea; bizi-zikloaren ikuspegia aplikatzea eta merkatuan bereiztea; erregulazio zirkular berriei aurrea hartzea; ospea hobetzea eta balio-katearen jasangarritasuna areagotzea; edo produktuetan eta zerbitzuetan estrategia zirkular berriak aplikatzea.