2024ko hirugarren hiruhilekoko datuak

Urte arteko bilakaera

2024ko hirugarren hiruhilekoan, Merkataritza eta Ibilgailuen Konponketa Sektoreko jardueretan 135.776 afiliatu zeuden guztira Gizarte Segurantzan (EAEko afiliatu guztien %13,6). Afiliazio kopuruak %0,6 egin du gora (2024ko 3. hiruhilekoa 2023ko 3. hiruhilekoarekin alderatuta).

Merkataritzaren sektoreak euskal ekonomia osoak baino portaera okerragoa izan du; izan ere, aldi horretan afiliazioek %2,0ko igoera izan dute.

Merkataritzaren sektorean igo egin dira soldatakoak (+%1,60) eta jaitsi autonomoak (-%2,01).

Jarduera-adarraren araberako analisia

Sektoreko jardueretako afiliazioak, balio absolututan, 804 afiliatu gehiago izan ditu (+%0,6) 2023ko 3. hiruhilekoan baino. Ibilgailuen salmenta eta konponketan 253 afiliazio gehiago izan dira (+%1,96), handizkako merkataritzan 461 afiliazio gehiago (+%1,15) eta azkenik, txikizkako merkataritzan 90 afiliatu gehiago (+%0,11).

Afiliazioak sexuaren arabera aztertzea

Sexuaren araberako banaketari dagokionez, alde handiak daude azpisektoreen artean. Txikizkako merkataritzaren sektorea oso feminizatuta dago: 10 afiliatutik 7 emakumeak dira. Aldiz, Ibilgailuen salmenta eta konponketan eta Handizkako merkataritzan gizonak dira nagusi, emakume bakoitzeko 5 eta 2 gizon baitituzte, hurrenez hurren.

Txikizkako merkataritzarako konparazioa afiliazio motaren eta generoaren arabera eginez gero, ikusten da soldatapeko emakumeen ehunekoa %70,41 dela, eta emakume autonomoen portzentajean %63,19ra jaisten dela.