Arautegia
InprimatuEBAZPENA, 2024ko uztailaren 3koa, Europar Batasuneko eta Kanpo Harremanetarako idazkari nagusiarena, beken deialdia egiteko dena 2024-2025 aldian gazteak Europar Batasunaren eta Kanpo Harremanen eremuan prestatzeko.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Lehendakaritza
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 136
- Hurrenkera-zk.: 3379
- Xedapen-zk.: ---
- Xedapen-data: 2024/07/03
- Argitaratze-data: 2024/07/11
Gaikako eremua
- Gaia: Administrazioaren antolamendua; Hezkuntza
- Azpigaia: Gobernua eta Administrazio Publikoa; Instituzional; Funtzio publikoa
Testu legala
Urtarrilaren 29ko 12/2019 Dekretuak arautzen ditu Europar Batasunaren eta Kanpo Harremanen eremuan gazteak prestatzeko bekak (2019ko otsailaren 1eko EHAA, 23. zk.).
Aipatutako dekretuaren 5.1 artikuluari jarraituz, beken deialdia egiten da 2024-2025 aldian gazteak Europar Batasunaren eta Kanpo Harremanen eremuan prestatzeko. Beka horiek Lehendakaritzaren 2024-2027 aldirako Dirulaguntzen Lau Urteko Plan Estrategikoaren barruan sartuta daude (Koordinazio eta Gizarte-komunikazioko idazkari nagusiaren 2024ko otsailaren 12ko Ebazpenaren bidez onartu zen plan hori), eta helbide honetan argitaratuta: https://www.euskadi.eus/eusko-jaurlaritza/-/proiektua/lehendakaritzaren-2024eko-diru-laguntzen-plan-estrategikoa/
Iragarritako bekek lagundu egiten dute Kanpo Ekintzaren eremuan gazteen prestakuntza bultzatzen, eta adimen lehiakorra eta nazioartekotzearen arloko ezagutza sustatzen dute. Hain zuzen ere, nazioartekotzea da Lehendakaritzaren 2024-2027 aldirako Dirulaguntzen Lau Urteko Plan Estrategikoaren helburu estrategikoetako bat.
Horiek horrela, hau
Hauetan xedatutakoak izango dira deialdi hau arautuko dutenak: kanpo-harremanen eremuan gazteak prestatzeko bekak arautzen dituen urtarrilaren 29ko 12/2019 Dekretua (2019ko otsailaren 1eko EHAA, 23. zk.) eta Dirulaguntzen Araubidea Erregulatzeko abenduaren 21eko 20/2023 Legea.
AZKEN XEDAPENETAKO LEHENENGOA
Ebazpen honek bukaera ematen dio administrazio-bideari, eta beraren aurka, berraztertze-errekurtsoa jar dakioke ebazpena eman duen organoari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera. Bestela, administrazioarekiko auzi errekurtsoa aurkez daiteke zuzenean, Euskal Autonomia Erkidegoko Justizia Auzitegi Nagusiko Administrazioarekiko Auzien Salan, bi hileko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera, Administrazioarekiko Auzien Jurisdikzioa arautzen duen uztailaren 13ko 29/1998 Legean xedatutakoari jarraituz.
AZKEN XEDAPENETAKO BIGARRENA
Ebazpen hau Euskal Herriko Agintaritzaren Aldizkarian argitaratuko da, eta argitaratu eta hurrengo egunetik aurrera izango ditu ondorioak. Guztiek jakin dezaten, www.euskadi.eus webgunean ere argitaratuko da.
Vitoria-Gasteiz, 2024ko uztailaren 3a.
Europar Batasuneko eta Kanpo Harremanetarako idazkari nagusia,
MARIA ÁNGELES ELORZA ZUBIRIA.
(Ikus .PDF)
Gaiarekin lotutako edukiak
Arauaren historia (2)
- Ikus: EBAZPENA, 2024ko azaroaren 13koa, Europar Batasuneko eta Kanpo Harremanetarako idazkari nagusiarena, zeinaren bidez Kanpo Harremanen eremuan 2024-2025 aldian gazteak prestatzeko bekak esleitzen baitira.
- Ikus: 12/2019 DEKRETUA, urtarrilaren 29koa, Kanpo-harremanen eremuan gazteak prestatzeko bekak arautzen dituena.
