Nori dago zuzenduta

Irabazi-asmorik gabeko pertsona juridiko pribatuak

Eskakizunak:

• Erakunde eskatzailea legez eratuta eta dagokion erregistroan behar bezala inskribatuta egon beharko da.
• Erakunde eskatzaileak zerga-betebeharrak eta Gizarte Segurantzarekiko ordainketak egunean izan behar ditu. Halaber, Dirulaguntzak itzultzeko betebeharrak ordainduta izan behar ditu.
• Ezingo dira dirulaguntza hauen onuradun izan Dirulaguntzen Araubidea Erregulatzeko abenduaren 21eko 20/2023 Legearen 13.artikuluan ezarritako egoeraren batean dauden pertsona juridikoak.
• Ez da dirulaguntzarik, ezta inolako baliabiderik ez funts publikorik emango, zuzenean zein zeharka, LGTBIfobia gauzatzen, bultzatzen edo sustatzen duen inongo pertsona juridikori, leheneratzeko terapiak sustatu edo egitea barne, trans pertsonen berdintasun erreal eta eraginkorrerako eta LGTBI pertsonen eskubideak bermatzeko otsailaren 28ko 4/2023 Legearen 82.artikuluak xedatutakoaren arabera.

Betekizunak

• Memoria eta aurrekontua | Eskaerarekin batera, "Jardueraren memoria eta aurrekontua" inprimakia beteta aurkeztu behar da

  Informazio xehetua

  Proiektuari buruzko memoria zehatza, programa edo jardueraren diru-sarreren eta gastuen aurrekontua barne.

• Dokumentazio osagarria | Eskatzaileak proiektua hobeto baloratzeko egokitzat jotzen duen beste edozein dokumentu ere aurkeztu ahalko du.
• Eskaerarekin bateria, Identifikazio Fiskalaren Zenbakiaren txartelaren fotokopia aurkeztu behar da. Erakundearen inskripzioari buruzko ziurtagiri eguneratua, eta, izaera juridikoaren arabera, dagokion erregistroan inskribatutako azken estatutuen kopia. Entitate eskatzaileak dokumentu horiek aurretik aurkeztu baditu Administrazio honetan, eta indarrean egonez gero, ez da beharrezkoa izango berriz ere aurkeztea. Kasu horretan, Administrazioak ofizioz berretsiko ditu. Horretarako nahikoa izango da dokumentu horiek zein Zuzendaritza edo Sailetan aurkeztu ziren adieraztea.
• Ordezkariaren nortasunari dagozkion datuak eskuratu edo egiaztatzeko baimena organo kudeatzaileari espresuki emateko aukera izango dute diru-laguntza eskatzen duten entitateek eskabidean.
• Erakunde eskatzailea Eusko Jaurlaritzako Ogasun eta Finantza Sailaren Kontrol Ekonomikoko Bulegoaren datubasean jasota egon beharko da.

  Informazio xehetua

  Horretarako "Eskaera eta beste izapide batzuk" atalean dagoen "Hirugarrenaren datuen alta edo aldaketa Ogasun eta Finantza Saileko erregistroan" berariazko izapidea bete behar da.

• Diruz lagunduko diren gastuak izango dira dirulaguntzaren xede den jardueraren edo proiektuaren izaerarekin, zalantzarik gabe, bat datozenak eta Agindu honetan edo emakida ebazpenean, zein izan litezkeen aldaketetan zehaztutako epe barruan egiten direnak eta behar-beharrezkoak direnak. Diruz lagun daitezkeen gastuen erosketa-kostua ezingo da, inolaz ere, merkatuko balioa baino handiagoa izan.
• Diruz lagundutako gastu zuzenak. Diruz lagundutako gastu zuzenak izango dira lagundutako jardueraren edo programaren exekuzioari lotutako berariazko kostuak eta, ondorioz, haiei zuzenean egotz dakizkiokeenak. Dirulaguntzaren xede diren jardueraren edo programaren publizitatearekin eta zabalkundearekin lotutako gastu zuzenek ezingo dute jardueraren edo programaren aurrekontuaren %20 gainditu.
• Diruz lagundutako zeharkako gastuak. Aurkeztutako programa edo jardueraren aurrekontuaren %20 arterainoko kopurua sartu ahal izango da zeharkako gastu bezala, beti ere onuradunaren kostu administratibo orokorren zati bat programari edo jarduerari eslei dakiokeenean. Inguruabar hori behar bezala justifikatu beharko da.
• Inbertsio-gastuak ez dira, inolaz ere, diruz lagunduko. Tributuak dirulaguntza jaso dezaketen gastuak izango dira baldin eta dirulaguntzaren onuradunak benetan ordaintzen baditu eta diruz lagundutako jarduerarekin zerikusia badute. Zeharkako zergak ez dira dirulaguntza jasotzeko gastutzat hartuko berreskuratu edo konpentsatu baldin badaitezke. Norberaren errentaren gaineko zergak ezta ere.
• Erakunde onuradunak diruz lagundutako jardueraren %50 azpikontratatuko ahal izango du gehienez. Azpikontratazioa abenduaren 21eko Dirulaguntzen Araubidea Erregulatzeko 20/2023 Legearen 31. artikuluan xedatutako baldintzetan egingo da.
• Erakunde onuradunak dirulaguntzaren xede den jarduera garatzeko hirugarren batekin kontratatzen badu eta diruz lagun daitekeen zenbatekoak sektore publikoko kontratazio araudian kontratu txikietarako ezarritako kopuruak gainditzen baditu, erakunde onuradunak hornitzaile desberdinekin hiru eskaintza eskatu beharko ditu, gutxienez, obra egiteko, zerbitzua emateko edo ondasuna entregatzeko konpromisoa kontratatu aurretik, salbu eta obra, zerbitzu edo ondasun horien ezaugarri bereziengatik merkatuan ez badago halakorik egin, eman eta hornitzeko erakunde nahikorik edota dirulaguntza eman aurretik egiten bada gastua.
• Erakunde eskatzaileak aurkeztutako aurrekontuan oinarri honen arabera diruz lagundu ezin diren gastuak badaude, edota diruz lagun badaitezke ere ezarritako muga gainditzen badute, Balorazio-Batzordeak gastu horiek ezabatuko ditu dirulaguntzaren zenbatekoa zehazteko oinarritzat hartuko den gastu-aurrekontua zehazteko.
• Agindu honen aplikazio-eremutik kanpo geldituko dira jarduera hauek:

  Informazio xehetua

  a) Osasun-arrazoiengatik edo beste egoera sozial batzuengatik behar espezifikoak dituzten kolektiboei zuzendutako jarduerak, kalteberatasun-egoeran edo bazterketa-arriskuan daudenak eta horiei arreta ematea Eusko Jaurlaritzako beste sail batzuei edo beste administrazio batzuei dagozkienean.

  b) Ikastetxeetako curriculuma garatzeko programak eta jarduerak, ikasturte-amaierako bidaiak edo eskolaz kanpoko antzeko beste jarduera batzuk, zuzenean edo zeharka ikasleentzat antolatuak, bai eta ikastetxeetako ikasleen familia-elkarteek (gurasoek) antolatutako jarduerak ere.

  c) Inauteriak, dantzak, kontzertuak, herriko jaiak, kabalgatak eta gainerako jai-emanaldiak.

  d) Udalekuak, kanpamentuak, ibilaldi ibiltariak edo auzolandegiak edo gazte-boluntariotzakoak.

  e) Kirol-klub edo -federazioen berezko jarduerak eta, oro har, lehiaketako kirol-jarduerak.

  f) Jarduera fisikoa indartzera bideratutako jarduerak edo osasunerako hezkuntza eta bizi-ohitura osasungarriak sustatzera bideratutakoak.

  g) Zeharkako kostuen eta azpikontratatutako zerbitzuen kostuen batura jardueraren gastu-aurrekontuaren %80 baino gehiago diren jarduerak.

  h) Deialdi honetatik kanpo geratzen dira publizitate-kanpainak, dokumentalak, argitalpenak eta gidak egitea xede duten proiektuak.

  i) Autofinantzaketa-maila %20tik beherakoa duten jarduerak edo programak. Hau da, erakunde eskatzaileak diruz lagunduko den jarduera edo programara bideratuko dituen diru-sarrera propioen eta jardueraren guztizko aurrekontuaren arteko proportzioa %20 edo gehiagokoa ez izatea.

  Diru-sarrera propiotzat hartuko dira kapitalean administrazio publikoen partaidetza ez duten erakunde pribatuetatik datozen ekarpen ekonomikoak. 

  j) Emakumeen eta Gizonen Berdintasunerako eta Emakumeen aurkako Indarkeria Matxistarik Gabeko Bizitzarako Legearen Testu Bategina onartzen duen martxoaren 16ko 1/2023 Legegintzako Dekretuaren 3.1 artikuluan jasotako sexuagatiko edo askotariko diskriminazioko faktoreengatiko diskriminatzaileak diren jarduerak.

• Erakunde onuradunen betebeharrak:

  Informazio xehetua

  Dirulaguntzak jasotzen dituzten erakundeek Dirulaguntzen Araubidea Erregulatzeko abenduaren 21eko 20/2023 Legearen 14., 27. eta 42.artikuluetan ezarritako betebeharrak bete beharko dituzte eta, bereziki, honako hauek:

  a) Emandako dirulaguntza onartzea. Dirulaguntza eman dela adierazten duen jakinarazpena jaso eta hamabost eguneko epean erakunde onuradunak ez badio berariaz uko egiten, dirulaguntza onartutzat joko da.

  b) Dirulaguntza jaso dutela jakinarazten dien ebazpena jasotzen dutenetik aurrera erakunde onuradunek diruz lagundutako jarduerek edo programek Ongizate, Gazteria eta Erronka Demografikoaren Saileko Gazteria eta Emantzipazio Zuzendaritzaren dirulaguntza jaso dutela iragarriko dute, berariaz, diruz lagundutako jarduerarekin edo programarekin zerikusia duten programetan, iragarki-karteletan, argazkietan eta argitaratzen den bestelako material grafiko zein soinudunean.

  Betebehar horrek ez die eragingo amaituta dagoen proiektu edo jarduera bat aurkeztuta dirulaguntzaren onuradun (gertatzen) diren erakundeei.

  c) Herritarren hizkuntza-eskubideak eta, bereziki, euskararen erabilera bermatuko da diruz lagundutako jarduerarekin zerikusia duten argitalpenetan, iragarkietan eta publizitatean

  Guzti horiek Euskal Autonomia Erkidegoko bi hizkuntza ofizialetan argitaratuko dira. Halaber, euskara toki nabarmenean jarriko da Euskararen erabilera normalizatzeko 1982ko azaroaren 24ko 10/1982 Oinarrizko Legearen 26. artikuluan hizkuntza sustatzeko ezarritako neurriak betetzeko.

  d) Halaber, ikuspegi intersekzionala eta, bereziki, sexuari eta generoari dagokion alderdia errespetatzen dituen hizkera eta irudiak erabiliko dira dirulaguntza jaso duen jarduera edo proiektuaren ondorioz sortzen diren agiri eta material guztietan.

Araudia

• AGINDUA, 2024ko abenduaren 18koa, Ongizate, Gazteria eta Erronka Demografikoaren sailburuarena, irabazi-asmorik gabeko pertsona juridiko pribatuei gazteriaren arloan programak eta jarduerak garatzeko dirulaguntzak emateko 2025eko deialdia egin eta arautzen duena.

Erakundeak

Kontaktu-informazioa

Kodea

Eskabidea eta dokumentazioa aurkeztea

• Tramitazio elektronikoa

Ebazpena eta errekurtsoak

Ebazteko epea

Diru-laguntzak esleitzeko ebazpena entitate interesdun guztiei jakinaraziko zaie sei hilabeteko epean, deialdiaren agindua argitaratu eta biharamunetik.

Diru-laguntza emateko modua

Lehiaketa

Isilbidearen ondorioak

Gaitzetsiak

Hirugarrenaren datuen alta edo aldaketa Ogasun eta Ekonomia Saileko erregistroan.

• Tramitazio elektronikoa

Justifikazioa

• Tramitazio elektronikoa

Beste tramite batzuk