Udaletako kultur kudeaketako jardunbide berriak

Lehenengo eta behin, berrikus ditzagun erakunde arloko testuak. Testu horietako zenbait nahitaez bete beharrekoak dira, beste batzuk nahitaez ezagutzekoak, eta, beste batzuk, azkenik, babes programatikokoak.
Testu horiek berrikusita, esparru teorikoak ezagutuko ditugu, bai naziokoak, bai nazioartekoak; eta, horri esker, hirietan aplikatu beharreko estrategiari dagokionez nagusi diren joeretara eta haiek garatzeko antolamendu moduetara hurbiltzeko aukera izango dugu.

"Kultur adierazpenen aniztasuna babesteari buruzko hitzarmena", UNESCOk Parisen 2005eko urrian onartua. "Iberoamerikako Kultur Gutuna", Kordoban (Espainian) 2005eko ekainean egindako VIII. Kulturaren Konferentzia Iberoamerikarrean onartua.
"Kulturaren Agenda 21", Bartzelonan 2004ko maiatzean onartua. Eta Hiri Handien Legea izenez ezagutzen den legea edo "Tokiko gobernua modernizatzeko neurrien legea", 2003ko abenduaren 16koa.

Ondoren, Espainiako kultur politikak bultzatzen dituzten ardatzik sendoenak aztertuko ditugu; kasu zehatzak eta martxan dauden estrategia-planak azalduko ditugu, eta fikziozko proposamenen bat ere egingo dugu.