Arautegia
InprimatuAGINDUA, 2025eko otsailaren 3koa, Gobernantza, Administrazio Digital eta Autogobernuko sailburuarena, zeinaren bidez Euskal Autonomia Erkidegoko eta haren organismo autonomoetako laguntzako langileen talde profesionaleko karrerako funtzionario izendatzen baitira Gobernantza Publiko eta Autogobernuko sailburuaren 2023ko azaroaren 6ko aginduaren bidez deitutako enplegu publikoan sartzeko hautaketa-prozesuan hautatutako pertsonak.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Gobernantza, Administrazio Digital eta Autogobernuaren Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 25
- Hurrenkera-zk.: 581
- Xedapen-zk.: ---
- Xedapen-data: 2025/02/03
- Argitaratze-data: 2025/02/06
Gaikako eremua
- Gaia: Gizarte gaiak eta emplegua; Administrazioaren antolamendua
- Azpigaia: Gizarte gaiak; Gobernua eta Administrazio Publikoa; Funtzio publikoa
Testu legala
Gobernantza Publiko eta Autogobernuko sailburuaren 2023ko azaroaren 6ko Aginduaren bidez, hautaketa-prozesu baten oinarriak iragarri eta onartu ziren laguntzako langileen talde profesionaleko mandatarien bost lanpostu betetzeko (Euskal Autonomia Erkidegoko Administrazio Orokorreko eta haren organismo autonomoetako karrerako funtzionarioak).
IVAPeko zuzendariaren 2025eko urtarrilaren 28ko Ebazpenean prozesu horretan behin betiko hautatutako pertsonen behin betiko zerrenda argitaratu zen.
Behin betiko hautatutako pertsona guztiek baldintzak betetzen dituztela egiaztatu denez, karrerako funtzionario izendatu behar dira.
Gainera, Euskal Enplegu Publikoari buruzko abenduaren 1eko 11/2022 Legearen 71.5 artikuluan xedatutakoaren arabera, funtzionario sartu berriei esleitutako destinoak, zer hornikuntza-sistema erreserbatu zaien, bada sistema horrekin lortu direla joko da ondorio guztietarako.
Horrenbestez, Euskal Enplegu Publikoaren abenduaren 1eko 11/2022 Legearen 18.2.r) artikuluan jasotako ahalmenak erabiliz, hau
Lehenengoa. Euskal Autonomia Erkidegoko eta haren organismo autonomoetako laguntzako langileen talde profesionaleko karrerako funtzionario izendatzea Gobernantza Publiko eta Autogobernuko sailburuaren 2023ko azaroaren 6ko aginduaren bidez deitutako enplegu publikoan sartzeko hautaketa-prozesuan hautatutako pertsonak (agindu honen I. eranskinean dago pertsona horien zerrenda).
Bigarrena. Izendatutako pertsonek 2025eko otsailaren 11n jabetu beharko dute esleitutako lanpostuez.
Ezarritako egunean, ezinbesteko kasuetan izan ezik, lanpostuaz jabetzen ez denak galdu egingo ditu Euskal Autonomia Erkidegoko Administrazio orokorreko eta haren organismo autonomoetako karrerako funtzionario izateko eskubide guztiak, deialditik eratorriak, hain zuzen.
Hirugarrena. Karrerako funtzionario sartu berriak behin betiko atxikiko zaizkie esleitutako lanpostuei, eta atxikipen hori esleitutako lanpostua betetzeko erabili den sistemaren bidez lortutakotzat hartuko da ondorio guztietarako.
Laugarrena. Karrerako funtzionario izendatzeko eta lanpostuaz jabetzeko datuek Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamendutik eta abenduaren 5eko 3/2018 Lege Organikotik eratorritako babesa izango dute. Datuen babesari buruzko informazioa agindu honen II. eranskinean dago.
Agindu honek amaiera ematen dio administrazio-bideari, eta, beronen aurka, interesdunek aukerako berraztertzeko errekurtsoa aurkeztu ahal izango diote Gobernantza, Administrazio Digital eta Autogobernuko sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera; edo, bestela, zuzenean, administrazioarekiko auzi-errekurtsoa, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera, bat etorriz, betiere, Administrazio Publikoen Administrazio Prozedura Erkidearen urriaren 1eko 39/2015 Legean eta Administrazioarekiko Auzien Jurisdikzioa Arautzen duen uztailaren 13ko 29/1998 Legean xedatutakoarekin.
Vitoria-Gasteiz, 2025eko otsailaren 3a.
Gobernantza, Administrazio Digital eta Autogobernuko sailburua,
MARÍA UBARRECHENA CID.
(Ikus .PDF)
(Ikus .PDF)
