Arautegia
InprimatuAGINDUA, 2023ko ekainaren 21ekoa, Hezkuntzako sailburuarena, zeinaren bidez argitara ematen baitira Hezkuntzako sailburuaren 2022ko irailaren 22ko eta azaroaren 30eko aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako izangaien behin betiko zerrendak.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 123
- Hurrenkera-zk.: 3113
- Xedapen-zk.: ---
- Xedapen-data: 2023/06/21
- Argitaratze-data: 2023/06/29
Gaikako eremua
- Gaia: Administrazioaren antolamendua
- Azpigaia: Gobernua eta Administrazio Publikoa; Funtzio publikoa
Deskribapenak
- HERRI ADMINISTRAZIO
- PROZEDURA ADMINISTRATIBOA
- LANGILEAK
- IRAKASKUNTZA INTEGRATUEN PRAKTIKA ETA JARDUERETAKO IRAKASLEEN KIDEGOA
- FUNTZIONARIO PUBLIKOAK
- BIGARREN HEZKUNTZAKO IRAKASLEEN KIDEGOA
- OPOSIZIO ETA LEHIAKETAK
- HIZKUNTZ-ESKOLA OFIZIALETAKO IRAKASLEEN KIDEGOA
- MAISUEN KIDEGOA
- LAN-ESKAINTZA PUBLIKOA
- MATERIA TEKNIKO ETA PROFESIONALEN IRAKASLEEN KIDEGOA
- FUNTZIO PUBLIKOA
- MUSIKAKO IRAKASLEEN KIDEGOA
Testu legala
Hezkuntza sailburuaren 2022ko irailaren 22ko eta azaroaren 30eko aginduen bidez, iraupen luzeko aldi baterako enplegua egonkortzeko salbuespenezko prozesurako deialdia egin zen kidego hauetan: Bigarren Hezkuntzako irakasleak, Hizkuntza-eskola ofizialetako irakasleak, Musikako eta Arte Eszenikoetako irakasleak, Arte Plastikoetako eta Diseinuko irakasleak, Maisu-maistrak, Lanbide Heziketako irakasle teknikoak kidego hori iraungi beharrekoa da eta Lanbide Heziketako sektore berezietako irakasle espezialistak. Bada, agindu horien 7.3 oinarrian ezarritakoarekin bat etorriz, Langileak Kudeatzeko zuzendariaren 2023ko ekainaren 8ko Ebazpenaren bidez, hautatutako izangaien behin-behineko zerrendak argitaratu ziren. Zerrenda horien aurkako erreklamazioak egiteko, bost egun balioduneko epea ireki zen.
Behin-behineko zerrenda horien kontra aurkeztutako erreklamazioak berrikusi dira. Era berean, epe horretan hainbat izangaik uko egin diote salbuespenezko prozesuan parte hartzen jarraitzeari. Bestalde, izangai jakin batzuei esleitutako merezimenduen puntuazioetan egindako akatsak zuzendu dira, Langileak Kudeatzeko zuzendariaren 2023ko ekainaren 16ko Ebazpenaren bidez.
Hori guztia ikusita, eta Hezkuntzako sailburuaren 2022ko irailaren 22ko eta azaroaren 30eko aginduen 7.4 oinarrian xedatutakoarekin bat etorriz, honako hau
Lehenengoa. Hezkuntzako sailburuaren 2022ko irailaren 22ko eta azaroaren 30eko aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako izangaien behin betiko zerrendak I. eranskinean argitaratzea.
Bigarrena. Agindu hau eta aipatutako zerrendak Euskal Herriko Agintaritzaren Aldizkarian eta Hezkuntza Sailaren Interneteko helbide honetan argitaratuko dira:
LHko sektore berezietako irakasle espezialistentzat:
https://hezigunea.euskadi.eus/ («Erabiltzailea (NAN/AIZ)» eta «Pasahitza» sartuz) «Eremu pertsonala» «Izapideak langileen sailarekin» «Administrazio-izapideak» «EPE 2022. Irakasleak. Egonkortzeko salbuespenezko prozesua - Sektore berezietako irakasle espezialistak LH» «Hautaketa-prozesuaren jarraipena» adierazi kidegoa eta espezialitatea «Hautespena».
Gainerako kidegoetarako:
https://hezigunea.euskadi.eus/ («Erabiltzailea (NAN/AIZ)» eta «Pasahitza» sartuz) «Eremu pertsonala» «Izapideak langileen sailarekin» «Administrazio-izapideak» «EPE 2022. Irakasleak. Salbuespenezko egonkortze-prozesua» «Hautaketa-prozesuaren jarraipena» adierazi kidegoa eta espezialitatea «Hautespena».
Hirugarrena. Hogei egun naturaleko epea irekitzea, agindu hau Euskal Herriko Agintaritzaren Aldizkarian argitaratu eta hurrengo egunetik aurrera, hautatutako izangaiek Hezkuntzako sailburuaren 2022ko irailaren 22ko eta azaroaren 30eko aginduen 8.1 oinarrian adierazitako dokumentuak aurkez ditzaten.
Dokumentazioa online aurkeztuko da, helbide honetan: https://hezigunea.euskadi.eus/ («Erabiltzailea (NAN/AIZ)» eta «Pasahitza» sartuz) «Eremu pertsonala» «Izapideak langileen sailarekin» «Administrazio-izapideak» «EPE 2022. Irakasleak. Egonkortzeko salbuespenezko prozesua - Sektore berezietako irakasle espezialistak LH» / «EPE 2022. Irakasleak. Salbuespenezko egonkortze-prozesua» «Hautatutako pertsonek dokumentazioa aurkeztea». Helbide horretan eskuragarri dagoen «Hautatutako pertsonek dokumentazioa entregatzea» eredua bete behar da.
Norbaitek eskatzen den dokumentazioa aurkezten ez badu, edo dokumentazio hori aztertuta ondorioztatzen bada ez duela betetzen deialdiaren 2. oinarrian adierazitako baldintzaren bat, karrerako funtzionario izendatua izateko eskubide guztiak galduko ditu, hargatik eragotzi gabe hasierako eskabidean faltsukeria egiteagatik izan dezakeen erantzukizuna. Era berean, eskubide guztiak galduko dituzte osasun-azterketan ez-gaitzat jotzen direnek.
Laugarrena. Martxoaren 9ko 47/1993 Dekretuan, uztailaren 23ko 182/2002 Dekretuan edo abuztuaren 30eko 190/2011 Dekretuan aurreikusitako egoeretan dauden pertsonek, kasuan-kasuan, 3 urteko epea izango dute, karrerako funtzionario gisa lanpostuaz jabetzen direnetik, dagokien hizkuntza-eskakizuna egiaztatzeko. Beraz, karrerako funtzionario izendatuak izateko, deialdian ezarritako hizkuntza-eskakizuna egiaztatu beharko dute, adierazitako epean. Hori egiaztatzen ez badute, adierazitako izendapenak ondoriorik gabe geratuko dira.
Bosgarrena. Ordezko izangaien zerrenda argitaratzea, hautatutako izangairen batek izaera hori galtzen badu ere: hautaketa-prozeduratik eratorritako eskubideei uko egiteagatik (2023ko irailaren 30era arte), egon daitezkeen errekurtsoak baiesteagatik edo deialdian eskatutako betekizunak ez betetzeagatik.
Zerrenda hori bigarren ebazpen-zatian adierazitako Interneteko helbidean argitaratuko da.
Seigarrena. Kontuan hartuta iraupen luzeko aldi baterako enplegua egonkortzeko salbuespenezko prozesuan izangaiak espezialitate eta kidego bakar batean hautatu ahal izango direla, 5 egun balioduneko epea irekiko da, hautatutako pertsonen behin betiko zerrendak Euskal Herriko Agintaritzaren Aldizkarian argitaratu eta hurrengo egunetik aurrera, II. eranskinean agertzen diren pertsonek espezialitate eta kidego bat hauta dezaten. Aukera hori egin ezean, puntuazio handiena lortu duten espezialitatean hautatuko dira, eta, puntuazio bera lortuz gero, I. eranskineko 1.1 azpiatalean puntuazio handiena lortu duten espezialitatean.
Zazpigarrena. Agindu honen aurka, berraztertzeko errekurtsoa aurkeztu ahal izango diote interesdunek Hezkuntzako sailburuari, hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2023ko ekainaren 21a.
Hezkuntzako sailburua,
JOKIN BILDARRATZ SORRON.
(Ikus .PDF)
(Ikus .PDF)
Gaiarekin lotutako edukiak
Arauaren historia (9)
- Aldatutakoa: AGINDUA, 2024ko urriaren 9koa, Hezkuntzako sailburuarena, zeinaren bidez laugarren aldiz aldatzen baita Hezkuntzako sailburuaren 2023ko ekainaren 21eko Agindua, eta aldatzen baita 2023ko urriaren 30eko Aginduaren I. eranskina. Agindu horien bidez, argitara ematen dira, hurrenez hurren, Hezkuntzako sailburuaren 2022ko irailaren 22ko eta azaroaren 30eko aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako izangaien behin betiko zerrendak eta bigarren zerrenda osagarria.
- Aldatutakoa: AGINDUA, 2024ko ekainaren 28koa, Hezkuntzako sailburuarena, zeinaren bidez aldatu egiten baita, hirugarren aldiz, Hezkuntzako sailburuaren 2023ko ekainaren 21eko Agindua eta, halaber, aldatu egiten baita sailburu beraren 2023ko uztailaren 26ko Agindua; azken bi agindu horien bidez argitara eman ziren, hurrenez hurren, iraupen luzeko aldi baterako enplegua egonkortzeko salbuespenezko prozesuan -Hezkuntzako sailburuaren 2022ko irailaren 22ko eta azaroaren 30eko aginduen bidez deitu zen- hautatutako izangaien behin betiko zerrendak eta zerrenda osagarria.
- Aldatutakoa: AGINDUA, 2024ko maiatzaren 22koa, Hezkuntzako sailburuarena, zeinaren bidez aldatzen baita 2023ko ekainaren 21eko Agindua, zeinaren bidez argitara ematen baitira 2022ko irailaren 22ko eta azaroaren 30eko aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako izangaien behin betiko zerrendak.
- Ikus: AGINDUA, 2023ko azaroaren 21ekoa, Hezkuntzako sailburuarena. Honen bidez, karrerako funtzionario izendatzen dira 2022ko irailaren 22ko eta azaroaren 30eko Aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatuak izan diren izangaiak.
- Ikus: AGINDUA, 2023ko urriaren 30ekoa, Hezkuntzako sailburuarena, zeinaren bidez argitara ematen baitira, batetik, 2022ko irailaren 22ko eta azaroaren 30eko aginduen bidez egindako deialdiko iraupen luzeko aldi baterako enplegua egonkortzeko salbuespenezko prozesuan hautatutako pertsonen bigarren zerrenda osagarria, eta, bestetik, uko egiteagatik edo deialdian eskatutako baldintzak ez betetzeagatik karrerako funtzionario izendatzeko eskubideak indargabetzen dituzten bigarren hautatuen zerrenda; eta, halaber, 2023ko uztailaren 26ko Agindua aldatu, zeinak argitara eman baitzuen hautatutako pertsonen eta aipatutako prozesuan karrerako funtzionario izendatzeko eskubideak galdu dituzten pertsonen lehen zerrenda osagarria.
- Ikus: AGINDUA, 2023ko uztailaren 26koa, Hezkuntzako sailburuarena, zeinaren bidez argitara ematen baita, batetik, Hezkuntzako sailburuaren 2022ko irailaren 22ko eta azaroaren 30eko aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako pertsonen zerrenda osagarria, eta, bestetik, uko egiteagatik edo deialdian eskatutako baldintzak ez betetzeagatik karrerako funtzionario izendatzeko eskubideak indargabetzen dituzten hautatuen zerrenda.
- Zuzendutakoa: AGINDUA, 2023ko uztailaren 3koa, Hezkuntzako sailburuarena, zeinaren bidez aldatzen baita 2023ko ekainaren 21eko Agindua, zeinaren bidez argitara ematen baitira sailburu beraren 2022ko irailaren 22ko eta azaroaren 30eko aginduen bidez deitutako iraupen luzeko aldi baterako enplegua egonkortzeko salbuespenezko prozesuan hautatutako izangaien behin betiko zerrendak.
- Ikus: AGINDUA, 2022ko azaroaren 30ekoa, Hezkuntzako sailburuarena, Euskal Autonomia Erkidegoko Lanbide Heziketako Sektore Berezietako Irakasle Espezialisten kidegoko iraupen luzeko aldi baterako enplegua egonkortzeko salbuespenezko prozesurako deialdia egiten duena.
- Ikus: AGINDUA, 2022ko irailaren 22koa, Hezkuntzako sailburuarena, Euskal Autonomia Erkidegoko Bigarren Hezkuntzako, Hizkuntza Eskola Ofizialetako, Musikako eta Arte Eszenikoetako eta Arte Plastikoetako eta Diseinuko irakasleen, Maisu-maistren eta desagertzear dagoen Lanbide Heziketako irakasle teknikoen kidegoetako iraupen luzeko aldi baterako enplegua egonkortzeko salbuespenezko prozesurako deialdia egiten duena.
